konka coffee
KONKA

AMAKURU

UKWEZI

Kigali: Umuzamu yibye nyirabuja amamiliyoni bamufatira i Nyagatare yenda kuyamara

Kigali: Umuzamu yibye nyirabuja amamiliyoni  bamufatira i Nyagatare yenda kuyamara
30-05-2017 saa 05:50' | By Chief Editor | Yasomwe n'abantu 9853 | Ibitekerezo 7

Polisi y’u Rwanda ikorera mu karere ka Nyagatare, ku cyumweru tariki ya 28 Gicurasi yataye muri yombi umusore witwa Ndagiwenimana Eliphaz w’imyaka 33 ukekwaho kwiba nyirabuja witwa Mushimiyimana Athanasie amafaranga y’u Rwanda 7.500.000, uyu Mushimiyimana akaba atuye mu murenge wa Kimisagara akarere ka Nyarugenge.

Polisi ikorera muri aka karere ivuga ko ubusanzwe uyu Ndagiwenimana yari asanzwe ari umuzamu wo mu rugo kwa Mushimiyimana, mu gitondo cyo ku cyumweru tariki ya 21 Gicurasi yagiye koza imodoka agasangamo aya mafaranga, afata umwanzuro wo kuyiba, ahita ajya kugura amazu mu karere ka Kamonyi ahazwi nko ku Rugarika aho yaguze amazu 2, imwe ya miliyoni imwe n’igice n’indi ya miliyoni imwe n’ibihumbi magana abiri. Nyuma y’iminsi 3, nibwo yumvise ko ari gushakishwa ahita ahungira i Nyagatare mu murenge wa Karangazi ahari umugore wa mukuru we naho ahagura indi nzu y’ibihumbi magana atatu, n’ikibanza cy’ibihumbi magana atatu.

Umuvugizi wa Polisi mu ntara y’Uburasirazuba Inspector of Police (IP) Emmanuel Kayigi, yavuze ko bamenye amakuru ko uyu Ndagiwenimana yakoze icyaha i Kigali agahungira i Nyagatare, nibwo batangiye kumushakisha afatirwa mu kagari ka Nyagashanga Umurenge wa Karangazi asigaranye 550.000

JPEG - 42.5 kb

IP Emmanuel Kayigi, umuvugizi wa Polisi mu Ntara y’Uburasirazuba

IP Kayigi aragira inama abafite amafaranga menshi ko atari byiza kurarana amafaranga menshi nk’aya mu ngo, akaba yagize ati: “Igihugu cyacu kiri gutera imbere mu nzego zose no mu ikoranabuhanga, kuki umuntu yararana amafaranga nkaya ngo arazinduka ajya kuyakoresha hanyuma bakayamwiba kandi hari uburyo bwizewe yayabikamo akayabona igihe ayakenereye burimo Banki, impapuro zabugenewe nka Sheki, cyangwa se Mobile Money?”

IP Kayigi yavuze ko Ndagiwenimana ubu afungiye kuri sitasiyo ya Polisi ya Karangazi, akaba azoherezwa aho yakoreye icyaha mu karere ka Nyarugenge bagakomeza iperereza.


Tanga Igitekerezo
Ibitekerezo 7
bateta Kuya 14-06-2017

Mana tabara ubwoko bwawee.

Claudine Muhimpundu Kuya 30-05-2017

birandenze pe 😠uwo mumama yihangane Kabisa yahuye nikibazo gikomeye ubutaha ntazongere , Bank, mobile money, tigo cash......birahari aho wajya hose byakorohera

ake Kuya 30-05-2017

Sinshyigikiye ubujura!, kdi nanone sinatera ibuye, uwo musore! gs numunyabwenge nuko yabuze imikorere. yooo!!!! kwibuka kugura imitungo? noneho itimukanwa,? Hhh, iyo aza kuba KALOLI ngo yigire kuryoshya?! gs ndumva bamwambura ibyo yari, yaguzemo ubundi ntibamufunge kuko, atangiye, ayo makashi, GS, sibyiza kwiba ariko namwe murye mutekereza. 7.500.000fr nimenshyi ,, ntawutayatwara kuko yakugirira umumaro, uyakoresheje, Nka ELPHASE, , Ndavuga neza.

ake Kuya 30-05-2017

Sinshyigikiye ubujura!, kdi nanone sinatera ibuye, uwo musore! gs numunyabwenge nuko yabuze imikorere. yooo!!!! kwibuka kugura imitungo? noneho itimukanwa,? Hhh, iyo aza kuba KALOLI ngo yigire kuryoshya?! gs ndumva bamwambura ibyo yari, yaguzemo ubundi ntibamufunge kuko, atangiye, ayo makashi, GS, sibyiza kwiba ariko namwe murye mutekereza. 7.500.000fr nimenshyi ,, ntawutayatwara kuko yakugirira umumaro, uyakoresheje, Nka ELPHASE, , Ndavuga neza.

Automatic Kuya 30-05-2017

Nubwo atari byiza kwiba ariko uno musore azi ubwenge kbs...kuko aho kugir ayapfushe ubusa agura inzoga nibindi biyobyabwenge we yahisemo gukora investment...kuko urumva ibintu yaguzemo nibyinshi kndi bifite akamaro.

Uwo mudamu nawe ararushye kbs...nigute utanga urufunguzo rwimodoka uziko wasizemo 7.5M.

C Kuya 30-05-2017

Uwo Muhungu aranyumije. Nari menyereye ko bayafatanwa, none we yahise atanguranwa aguramo imitungo. Uru rubanza ntiruzoroha pe; Niba ayo mazu azatezwa icyamunara, niba yarateganyije ko azayasubizwa narangiza igihano muri gereza, ntumbaze. Ni danger!

C Kuya 30-05-2017

Uwo Muhungu aranyumije. Nari menyereye ko bayafatanwa, none we yahise atanguranwa aguramo imitungo. Uru rubanza ntiruzoroha pe; Niba ayo mazu azatezwa icyamunara, niba yarateganyije ko azayasubizwa narangiza igihano muri gereza, ntumbaze. Ni danger!

IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA