konka coffee
KONKA

AMAKURU

UKWEZI

Bishop Rugagi yavuze ku bamuhimbiye ko Se yamwise umutekamitwe urya abantu amaturo

Bishop Rugagi yavuze ku bamuhimbiye ko Se yamwise umutekamitwe urya abantu amaturo
2-06-2017 saa 14:34' | By Chief Editor | Yasomwe n'abantu 9070 | Ibitekerezo 7

Bishop Rugagi Innocent uyobora Itorero Abacunguwe, yagarutse birambuye ku cyemezo yafashe nyuma yo kuvugwaho ko umusaza babeshye ko ari Se, yaba yaratangaje ko umuhungu we yarangije amashuri akihangira umurimo wo gushinga itorero kugirango abashe kurya abantu batandukanye amafaranga, ndetse byanavugwaga ko hari murumuna we nawe uwo musaza yaciye amarenga ko azagera ikirenge mu cya Bishop Rugagi.

Mu mpera z’ukwezi gushinze kwa Gicurasi 2017, ibinyamakuru bitandukanye byo mu Rwanda cyane cyane ibya gikiristu, byanditse ko umubyeyi wa Bishop Rugagi yavuze ko nyuma yo kurangiza amashuri yaba yarihangiye umurimo wo gushinga itorero kugirango abone ikimubeshaho.

Ibi byashingirwaga ku mashusho yashyizwe hanze tariki 20 Gicurasi 2017, agaragaza umusaza uvuga iby’umuhungu we w’umuvugabutumwa ubayeho neza kubera itorero yashinze. Amashusho yashyizwe ku rubuga rwa Youtube n’uwiyita Akariho karavugwa, yanagaragaragaho Bishop Rugagi arimo gukora ibitangaza bitandukanye, akabihuza n’uko biba ari uguteka umutwe.

REBA AMASHUSHO YABAYE INTANDARO YA BYOSE HANO:

Nyuma y’uko ibi byanditswe mu binyamakuru, bamwe mu bakirisitu bo mu Itorero abacunguwe baganiriye n’ikinyamakuru Ukwezi.com, bavuga ko umusaza wagaragajwe mu mashusho atari Bishop Rugagi Innocent, ndetse banavuga ko ntaho bamuzi n’ubwo hari bamwe bavuga ko yaba ari umusaza wo mu Kinigi mu karere ka Musanze kandi atari se wa Bishop Rugagi.

Ku rubuga rwa Internet rw’itorero Abacunguwe, hagaragaraho inyandiko igaragaza ko Bishop Rugagi yababariye uwamutangajeho amakuru mabi kandi y’ibinyoma, akagaragaza n’impamvu zatumye afata icyemezo cyo kumubabarira, ashingiye ahanini ku cyo Ijambo ry’Imana rivuga. Mu mpamvu icumi atanga, agenda anagaragaza imirongo ya Bibiliya ashingiraho.

Mu mpamvu atanga ashingiye ku mirongo ya Bibiliya, Bishop Rugagi avuga ko umunyabwenge abasha kubabarira. Atanga isomo ryo mu gitabo cy’Imigani 14:29 hagira hati: "Utihutira kurakara aba afite ubwenge bwinshi, Ariko uwihutira kurakara akuza ubupfu". Hanyma muri Matayo 6: 14-15 ho hagira hati: "Kuko nimubabarira abantu ibyaha byabo, na So wo mu ijuru azabababarira namwe, ariko nimutababarira abantu, na So na we ntazabababarira ibyaha byanyu." Naho muri Matayo 18: 21-22 ho hagira hati: "Nuko Petero aramwegera aramubaza ati ’Databuja, mwene data nangirira nabi nzamubabarira kangahe? Ngeze karindwi?’ Yesu aramusubiza ati"Sinkubwiye yuko ugeza karindwi, ahubwo yuko ugeza mirongo irindwi karindwi."

Aya masomo kimwe n’andi Bishop Rugagi ngo niyo yashingiyeho yemeza ko agomba kubabarira uwamutangajeho ibinyoma akanatanga amakuru amuharabika agamije kumutesha agaciro no kumuteranya n’abayoboke be.


Tanga Igitekerezo
Ibitekerezo 7
Meek Kuya 8-06-2017

Banyarwanda, mushishoze Mukoreshe ubwenge Imana yabahaye Imana usenga ni Imwe kandi irebera bose. aba bahanuzi bose nabanyabinyoma nta muhanuzi ukibaho. IBYINDIMI sitagira ishuri ubwo ni ububeshyi gusa umuriro ufite abo Imana yageneye nijuru rifite ababo nti MUBE ABAPFU ikibabaje nabantu bize ndetse nakagera naho biga PHD ugasanga bakurikira ibinyoma nk’ibyo mwakoze research mukamenya IMANA MUSENGA IYO ARIYO ESE YE? YESU YAVUGAGA IZO NDIMI MWUMVA? ESE YAJYAGA HARIYA ACACEZA IMIZIKI NO KUZUNZA AMABUNO? IBYO BYOSE NIBIHIMBANO MUJYE KURE YABYO SHAKISHA UBURYO YESU YASENGANGA MAZE UMWIGANE EJO AZAKWIHAKANA KUBIHIMBANO MUMUBESHYERA. MURAKOZE

Mahoro Kuya 7-06-2017

Ariko Rugagi ateje ikihe kibazo, niba hari abo akiza byaba ikibazo, none se ko aritwe twijyana byaba ikibazo, mubona mu bitangazamakuru ariko nanjye uburwayi bwandembeje narivuje nkanga gukira najyayo nkareba, ansengeye nkakira se byaba ikibazo igihe abandi baganga byaba byarabananiye? mwagiye mureka koko ko ntaho ubuzima butakujyana, imbaraga yaba akoresha zose nkakira njye ntacyo byaba bimbwiye. ko cancer izengereza umuntu azi neza ko atazakira, agafata amafaranga yari kuzatunga abo yabyaye akayajyana mu buhinde ngo agiye kwivuza agapfirayo, none bamubwira ngo Rugagi arabasengera cancer igakira ntugeyo kandi ho ari ubuntu, ukize se ntiwajya no gushima? sinagaya uwagiyeyo kuko nanjye byakomeye najyayo.

kuki Kuya 5-06-2017

uriya se ni papa wa RUGAGI kandi mbona ari wa muhanzi w’i MUSANZE witwa NTAMUKUNZI.murabeshye RUGAGI NDAMUZI muramubeshyeye

gruec Kuya 4-06-2017

Ndongera mbisobanure nkuko nabisobanuye ejo message mukayini pourtant sinatukanye kuko siyo ntego yanjye, intego yanjye nuko peuple de ma nation imenya ukuri sur les enjeux de la communication strategique, Mouchoirs zera, amazina bakoresha( ngo baravuga mundimi nyinshi) na gestes bakora bari imbere y’abakristu byose n’ibigize (rituel de magie) ibyo kugusha abantu bababeshya ko bafite abadayimoni ni technique za Hypnose nimureke kubeshywa n’abiyitirira Imana kuko imbere yayo nta mwana n’ikinono so izo mbaraga n’amavuta bakubeshya nawe ubyifitemo upfa kuba wemera koko iyo uriho utakira Imana kandi izagubiza. Murakoze

gruec Kuya 3-06-2017

Izo mouchoir z’umweru n’impeta nini n’ibindi byinshi bihishe mu mazina ahamagara abantu bakibaza ko arukuvuga mu ndimi nyinshi ndetse n’izindi geste bakorera imbere y’abakristu babo byose ( ni rituels de magie n’ibikoresho byayo).

Tom Kuya 3-06-2017

Abazi kwitegereza neza muzajye mucunga aba banyabitangaza bacu.Iteka bagira mouchoir y’umweru mu ntoki impeta nini Ku rutoki,itari iya marriage.Imbaraga za satani ziracyakora,mube maso banyarwanda!

Oya Kuya 2-06-2017

Umva mbese! Abagome gusa. Nta musaza wo mu kinigi ndumva uvuga ikinyenduga. Nta n’urya bombo mu muhanda nk’inzererezi mpazi.

IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA