Abanyarwanda babiri barimo Uhiriwe Byiza Renus na Muhoza Eric bashyikirijwe ibihembo na CANAL+ biherekejwe n’ifatabuguzi ry’umwaka wose.

Uyu wari umwaka wa 11 CANAL+ ari umuterankunga w’iri rushanwa ndetse by’umwihariko muri uyu wa 2022, CANAL+ RWANDA ikaba yarahembye abanyarwanda bitwaye neza mu gace ka mbere ndetse n’akanyuma k’iri rushanwa.

Uhiriwe Byiza Renus niwe munyarwanda witwaye neza mu gace ka mbere k’iri rushanwa kazengurukaga kuri Kigali Arena, mu gihe Muhoza Eric wa Team Rwanda yahembwe nk’Umunyarwanda utanga icyizere mu y’agace ka munani ka Tour du Rwanda kasorejwe kuri Canal Olympia.

CANAL+ Rwanda yahembye aba bakinnyi bombi ibihembo birimo umwambaro w’icyubahiro, ndetse na dekoderi ya HD irimo ifatabuguzi rizabafasha kureba amashene yose mu gihe cy’umwaka.

Umuyobozi mukuru wa CANAL+ Rwanda, Sophie Tchatchoua yagaragaje ko gukomeza gushyigikira siporo mu Rwanda biri mu ntego za CANAL+ ndetse ko bazakomeza no gushyigikira ibindi bikorwa by’imyidagaduro mu Rwanda, anaboneraho gushimira aba bakinnyi uburyo bitwaye neza bagahesha ishema igihugu.

Kuri uyu wa gatanu tariki 4 Werurwe 2022, CANAL+ izerekana inshamake z’irushanwa rya Tour du Rwanda 2022 mu cyegeranyo kigaragaza uko uduce twose twari tugize iri rushanwa twagenze. Iki cyegeranyo kikaba kizatambuka kuri CANAL+ SPORT 1 saa 22H30 z’ijoro.

CANAL+ Rwanda kandi ikomeje gushishikariza abakiliya bayo kugura ifatabuguzi hakiri kare kugira ngo babashe guhabwa poromosiyo y’icyumweru cy’inyongera bareba amashene y’isumbuye ariho ibiganiro, ama filime, imikino ndetse n’ibindi byinshi bifuza.