Ibaruwa Joriji Baneti yandikiye umuyobozi wa Polisi, ku by’abazunguzayi n’abanyagataro

Nyakubahwa afande muyobozi mukuru wa Polisi y’u Rwanda, mbere ya byose mbanje kubashimira mbikuye ku mutima ku bw’ubwitange, umuhati n’umurava bya Polisi yacu dukunda, ari nabyo bituma umutekano wacu nk’abanyarwanda ubungwabungwa neza, n’aho uhungabanye ntimutangwe no gutabara.

Gusa nta byera ngo de ! Joriji buriya mba nitemberera mu murwa mukuru wa Kigali ndeba, hari akantu kamwe ntakunze kandi kanshenguye umutima, bituma nsaba ikinyamakuru ukwezi.com ngo bazamfashe bantambukirize ubutumwa mbandikire mbabaze nanatange igitekerezo cyanjye.

Ese afande, mwamenye ko ubu abazunguzayi n’abanyagataro basigaye barize amayeri yo kujya biyandikisha mu marushanwa ya marato ? Ubu kandi basigaye buri gitondo bakora imyitozo ngororamubiri yo kwiruka, bitegura amasiganwa ya buri munsi akunda kubahuza n’abapolisi, n’ubwo nabonye aya masiganwa aba ari injyanamuntu.

Gusa aya masiganwa ajya antera muzunga, nkumva nasubira iwacu ikantarange. Sinshyigikiye ubucuruzi bw’akajagari, sinishimira ko umujyi wa Kigali warangwa n’umwanda cyangwa akavuyo, ariko kandi nabonye bigayitse cyane kubona bamwe mu bapolisi bahetse imbunda, birukankana abagore bahetse abana n’agataro ku mutwe. Bariya babyeyi, akenshi baba bahetse ibibondo bishobora kuzavamo abapolisi b’ejo hazaza, hari n’ababa bashakisha ubuzima batwite, iyo mbonye birukankanwa n’umupolisi uhetse imbunda mbona birushijeho kuntera intimba, rwose mbona ntabishima.

Afande rwose ntimunyumve nabi, ariko hakwiye gushakishwa indi nzira yo guhashya ubwo bucuruzi bw’akajagari, abanyagataro n’abazunguzayi ntibakwiye kwirukankanwa n’abapolisi, hari n’uwo birukankana akikubita hasi, akaba yanahasiga ubuzima rwose.

Afande, Joriji Baneti bajya bakunda kunyita injiji y’indondogozi, reka uyu munsi ne kuvuga byinshi ahubwo ubutaha nzasubukura mbasobanurire ibindi bindwaza umutima, nimwe mukunda kudushishikariza kujya tubaha amakuru !

Eric Dusenge Kuya 31-05-2018

Joriji ibyo avuganibyo icyokibazo kigombagucika burundu

Usengimana Dieudonne Kuya 28-09-2017

nukuri rwose ntibikwiye kubona umupolisi uhetse imbunda yirukanka ku muntu pe.nihashakwe izindi ngamba.

nsengimana gilbert Kuya 2-08-2017

-xxxx- Kuya 20-01-2017

Some really quality content on this website , saved to fav. fekebdcdekkdfdad

Ivan Kuya 6-06-2016

Joliji tanga umuti !wowe ko urenganya police,hari itungo ryashima umushumba waribujije koona imyaka ?none se yarireka rikangiza ngo rimukunde !mwegere mukamwezi abagire inama itari agakecuru mugendere munzira iboneye yubaka urwatubyaye !

Kibibi Kuya 11-05-2016

Umuntu wanditse iyi nkuru ndamwemeye ! push hard and move farther !

Kibibi Kuya 11-05-2016

Umuntu wanditse iyi nkuru ndamwemeye ! push hard and move farther !

Nchizirungu jimmy Kuya 11-05-2016

Joriji aho ababaye birarenze ntawe bitanababaza wishire mumwanya wuwo muntu birukankana arigusha ikijumba cyumwana birababaje bashake indinzira itababaza nabari gushakira abobahense kuko Nibo Rwanda yejo kabisa

Mukamwezi Kuya 10-05-2016

Jyewe nakoraga ako kazi joriji yita kuzunguza (gucuruza mukajagari) ariko ubu nakurikije inama nziza ubuyobozi butugira, ubu nabonye aho nkorera kandi rwose ndunguka - erega igihugu cyacu gikeneye isuku numutekano maze natwe tugaterimbere......
Naho Polisi yo rwose ahubwo twese dufatanye tubashimire peee ! Mbega kwitanga, ikinyabupfura, umurava ndetse no gikora kinyamwuga, jye mbahaye amashyi impundu !!!

Mukamwezi Kuya 10-05-2016

ngoga eric Kuya 10-05-2016

rwose uru rubuga ruriho ibyubaka nibyunga ndetse umuntu yakwigiramo byinshi kubyibyo mushyireho byinshi byubwenge

gerald Kuya 9-05-2016

POLICE ntabwo igikora ako kazi kandi joriji ujye ujyerageza gushyiraho ifoto shya ariya ma rank na uniform zarahindutse gusa wariwatekereje neza

NGABO Materne Kuya 9-05-2016

Yooooo, joliji disi, usigaye ufite ibitekerezo byiza sha, nuko nuko, nanjye biriya bintu birambabaza cyane rwose, oya rwose byo barebe izindi ngamba bafata ariko biriya bigabanuke kuko si byiza, ahubwo duhane ibitekerezo ku byakorwa

NGABO Materne Kuya 9-05-2016

DOMINIQUE Kuya 9-05-2016

Arikl ukwezi .com nzabagirente rwose.....Mubyukuri muri gukora itangazamakuru kinyamwuga, inkuru zanyu zose muri ino minsi ziracukumbuye kdi zirubaka.....noneho byagera kuri joriji bikaba akarusho......keep moving forward basaza.....Ndabemera cyane

Xavi Kuya 9-05-2016

Police yarabyitarukije none isigaye ibateza inkeragutabara zikabicira mu mihanda na Nyabugogo. Ejo bundi Hari umudamu wiciwe Nyabugogo ngo ni uko acuruje biscuits na jus.