konka coffee
KONKA

AMAKURU

UKWEZI

VIDEO: Televiziyo ya ADEPR yahanuwe n’uwuzuye umwuka yahereye he? Ni Imana yabeshye?

VIDEO: Televiziyo ya ADEPR yahanuwe n’uwuzuye umwuka yahereye he? Ni Imana yabeshye?
8-06-2017 saa 09:59' | By Chief Editor | Yasomwe n'abantu 8021 | Ibitekerezo 11

Mu minsi yshize, ubuyobozi bw’Itorero rya ADEPR bwariho bwagiye buvugwaho gukoresha amayeri no guteka imitwe ku bayoboke b’iri torero, bugamije kubashakamo agatubutse. Amwe mu mayeri bigeze gukoresha, ni aho bapanze n’umwe mu bayoboke ko aza kwigira nk’uwuzuye umwuka agatera ubwoba abanga gutanga amafaranga, maze abayoboke bakikoramo bagatanga akayabo bazi ko babitegetswe n’Imana ariko nyuma biza kumenyekana ko byari imitwe yapanzwe. N’ubwo icyo gihe ariko hatanzwe akayabo k’amamiliyoni, kugeza ubu iby’iyo televiziyo byarasinziriye nyamara uwabeshye ko yuzuye umwuka akanahanura we yari yavuze ko Imana yategetse ko iyo televiziyo umwaka wa 2016 uzarangira itangiye.

Kuwa Gatandatu tariki 15 Ukwakira 2016, ku nyubako za Dove Hotel ya ADEPR ku Gisozi habereye inama yahuje abayobozi ba ADEPR n’abagize urwego rw’abafashamyumvire baturutse mu gihugu hose bashinzwe guhugura abayoboke ba ADEPR ku bintu bitandukanye iri torero riba rishaka gucengeza mu bayoboke.

Ingingo nyamukuru bigagaho icyo gihe, ni umushinga wo gutangiza Radio na Televiziyo bya ADEPR, umushinga abayobozi bavugaga ko uzatwara amafaranga y’u Rwanda asaga miliyoni magana abiri (200.000.000).

Ubwo igikorwa cyari kigeze hagati, umuyoboke wa ADEPR akaba n’umwe mu bafashamyumvire witwa Murihano Venant wari waturutse mu karere ka Nyamasheke, yigize nk’aho yuzuye umwuka avuga ibimeze nk’indimi z’amahanga zitamenyekanye, ari nako avangamo Ikinyarwanda. Mu byo yavuze mu Kinyarwanda avangamo ibindi yadidibuzaga yita indimi, harimo ko Imana yabahaye byinshi birimo inyubako nziza zo ku Gisozi, ikabaha ubuyobozi bw’igihugu bwiza buyobowe na Perezida Kagame, bityo na Radio na Televiziyo ikaba igiye kubibaha vuba bidatinze kuko ntacyo bayiburanye, kandi ko bahava bayatanze kuko Imana izirana n’abagira ubugugu. Yabivugaga asa n’utera ubwoba umuntu wese ufite amafaranga wanga kuyatanga, ababwira ko Imana itegetse ko bahava bayatanze yose. Hari aho yakangaga abantu agira ati: "Mutange amafaranga cyangwa muvuge mbateze inyatsi"

REBA MURIHANO VENANT YIGIRA NK’UWUZUYE UMWUKA HANO:

Bidatinze abari aho bageraga ku 1320 bahise biherera mu bice bitandukanye hakurikijwe uturere bakomokamo, maze buri Ntara n’Umujyi wa Kigali bahiga ayo bagiye gutanga bitarenze amezi abiri, birangira bose hamwe biyemeje gutanga arenga ayifuzwaga, kuko biyemeje gutanga arenga 211.000.000 uyateranyije hamwe.

Mu kiganiro yagiranye n’ikinyamakuru Ukwezi.com icyo gihe, Murihano Venant yashimangiye ko ubusanzwe atigeze agera mu ishuri ndetse akaba atazi no kuvuga indimi z’amahanga uretse Ikinyarwanda, nyamara ngo Imana yamufashije kumenya gusoma Bibiliya n’ibindi bitabo bivuga ubutumwa. Ibijyanye n’indimi yavuze z’amahanga ubwo yuzuraga umwuka, yemeje ko ari Imana iba irimo gukora ibyayo kuko ari nayo yabusanyije indimi mu bantu b’amahanga yose atuye isi.

Murihano yigize nk’aho yuzuye umwuka avuga indimi, arahanura abira icyuya, nyuma abeshya ko atigeze akandagira mu ishuri

Amakuru yizewe yaje kugera ku Kinyamakuru Ukwezi.com, ashimangira ko uyu Murihano yari yatumwe na bamwe mu bayobozi bakuru ba ADEPR ngo aze kwigira nk’uwuzuye umwuka atere ubwoba abayoboke bemere gutanga amafaranga, kuko hari hashize igihe babatse andi menshi yakoreshejwe mu kubaka Dove Hotel. Aba bayemeye nabo, ngo bahise bakaza ingamba mu matorero baturutsemo, zo gushaka uko bakura menshi mu bandi bayoboke ngo babone ayo bari barahize.

Umwe mu basengana na Murihano Venant i Nyamasheke wanze ko amazina ye atangazwa, avuga ko amuzi neza, ko yageze mu ishuri n’ubwo atize cyane ariko yize amashuri macye abanza akaba azi gusoma no kwandika, bihabanye n’ibyo yari yabeshye ko yamenye gusoma Bibiliya atarigeze akandagira mu muryango w’ishuri.

Hari undi muyoboke wa ADEPR uba mu mujyi wa Kigali nawe tutatangaza amazina, watangarije ikinyamakuru Ukwezi.com ko ibi byari byapanzwe n’ubuyobozi bwa ADEPR bwari bukuriwe na Bishop Jean Sibomana ndetse na Bishop Tom Rwagasana wari umwungirije. Uyu avuga ko abizi neza kandi hakaba hari n’ibindi byinshi bipangwa hagamijwe kubeshya abayoboke ngo babakuremo amafaranga akenshi akoreshwa n’abayobozi mu nyungu zabo bwite.

Amafaranga yakusanyijwe icyo gihe, byemejwe ko yarengaga gato miliyoni magana abiri na cumi n’imwe (211.000.000) nyamara ubwo ikinyamakuru Ukwezi.com cyaganiraga n’umuvugizi mushya wa ADEPR, Rev. Ephraim KARURANGA, yadutangarije ko icyo gihe hakusanyijwe amafaranga agera kuri miliyoni ijana (100.000.000) nyamara amajwi n’amashusho yafashwe bishimangira ko atari ayo.

Rev. Ephraim KARURANGA avuga ko ubu ibijyanye n’amafaranga ya ADEPR hatarakorwa igenzura ngo hamenyekane ahari hanagaragare niba hari icyuho cy’amafaranga gihari, icyakoze agashimangira ko umushinga wo gushinga televiziyo ya ADEPR uri mu bigomba kuzashyirwa mu bikorwa ariko hakaba hakiri kare ngo hemezwe ibijyanye n’igihe cy’ishyirwa mu bikorwa ry’uwo mushinga.

Ni Imana yabeshye cyangwa ni uwabeshye ko ari Imana yabivuze kandi itabivuze?

Murihano Venant yavuze ko ibyo yavugaga ari Imana yamuvugiragamo, ndetse Bishop Tom Rwagasana wari umuyobozi mukuru icyo gihe avuga ko umuyoboke wabo yuzuye umwuka wera agahanura, Imana ikavugira mu kanwa ke. Uwavuga ko uyu Murihano Venant atabeshye ndetse agashimangira ko Bishop Rwagasana wahamije ko Imana yabo yabihereye isezerano, nawe yavugishaga ukuri, ubwo yaba ashatse kuvuga ko Imana yabibabwiye yabeshye, nyamara kwizera kw’abakirisitu gushimangira ko Imana itabeshya kandi imigambi n’amasezerano yayo ibisohoza.


Tanga Igitekerezo
Ibitekerezo 11
uwera Kuya 8-06-2017

Ark mwaretse Imana igakora imirimo yayo? Niba umuntu yarabeshyeye Imana bizagaragara kd niba ari Imana yavuze koko izanasohoza ibyo yivugiye!

uwera Kuya 8-06-2017

Ark mwaretse Imana igakora imirimo yayo? Niba umuntu yarabeshyeye Imana bizagaragara kd niba ari Imana yavuze koko izanasohoza ibyo yivugiye!

uwera Kuya 8-06-2017

Ark mwaretse Imana igakora imirimo yayo? Niba umuntu yarabeshyeye Imana bizagaragara kd niba ari Imana yavuze koko izanasohoza ibyo yivugiye!

willy Kuya 8-06-2017

nzajya nsengera iwanjye niba nta Mana ibayo nzabizire kujya imbere yizo nkozi zikibi zirirwa zinyereza amaturo abandi arabicanyi ruharwa ngo bihannye apu Imana izahandinde nabanjye bose ntihazagire ukandagirayo

Emmy Kuya 8-06-2017

Ariko mwagiye mureka!! Ntidukwiye gucimanza niba ari Mana yabivuze ntibivuzeko barikurara baguze iyo TV kukoImana isubiriza igihe ishakiye nukwishatse Kereka niba mutemerako Imana ivuga!! Murumva!!kd niba baranayariye Uwiteka azabibajyoza.

Emmy Kuya 8-06-2017

Ariko mwagiye mureka!! Ntidukwiye gucimanza niba ari Mana yabivuze ntibivuzeko barikurara baguze iyo TV kukoImana isubiriza igihe ishakiye nukwishatse Kereka niba mutemerako Imana ivuga!! Murumva!!kd niba baranayariye Uwiteka azabibajyoza.

ERIC NTAKIRUTIMANA Kuya 8-06-2017

Gusenga dukwiye kubijyamo tubirimo tutaryarya Umuremyi wacu kuko areba mu mitima y’abari mwisi yose sumuntu tubeshya Kuko areba ibihishwe byinshi mbasabiye umugisha uva kumana yo mwijuru. ndasaba ko mwanyungura ibitekerezo k’ubijyanye no Gukiranukira Imana uwumva yampa ubufasha yampampagara kuko ndakennye kubigendanye n’ijambo ry’Imana.MURAKOZE 0782787733/0728451460

Ntakirutimana ERIC Kuya 8-06-2017

Yayayaya!!!!mbega ibibazo ISI ifite??Ubu dukore iki?Isi iraturangiranye tubibona n’amaso ariko tumeze nkabatareba(Impumyi)

kiki Kuya 8-06-2017

IMANA NTIBESHYA KANDI IBYO IVUZE IRANABISOHOZA, NTA MUSI YATANZE IZABIKORA KU ISAHA YAYO.

Ahahaha Kuya 8-06-2017

Nari mpibereye ntimubeshye kabisa njye narumiwe

uwayo Kuya 8-06-2017

Imana ntibeshya rero uriya mugabo yari umunyabinyoma ni nayo mpamvu ibyo yari yapanze bitagezweho kuko yahavuye ntayo abonye kuko byarangiye bayageneye amaparuwasi akaba ariyo ayishakamo

IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA