konka coffee
KONKA

AMAKURU

UKWEZI

Abayobozi bashya ba ADEPR bamenyekanye bahita basimbura abafunzwe

Abayobozi bashya ba ADEPR bamenyekanye bahita basimbura abafunzwe
30-05-2017 saa 13:34' | By Chief Editor | Yasomwe n'abantu 11122 | Ibitekerezo 48

Mu masaha ya saa tatu za mugitondo cyo kuri uyu wa Kabiri tariki 30 Gicurasi 2017, nibwo Inteko rusange y’Itorero ADEPR yateraniye muri Dove Hotel y’iri torero iherereye ku Gisozi, ku murongo nyamukuru w’ibyigwa hakaba harimo gutora abayobozi b’iri torero basimbura abandi bamaze igihe bafunzwe bakurikiranyweho kunyereza amamiliyari y’abayoboke b’iri torero. Abatowe bose, ntawe ufite icyubahiro cyo kwitwa Musenyeri (Bishop) nk’uko bisanzwe.

Aba batowe barimo Rev Karuranga Ephrem watorewe kuba Umuvugizi mukuru wa ADEPR, Rev Karangwa John aba umuvugizi wungirije, Pasteri Ruzibiza Viateur atorerwa kuba Umunyamabanga mukuru, Madamu Aurelia Umuhoza agirwa ushinzwe Imari n’Ubukungu naho Pasiteri Nsengiyumva Patrick aba Umujyanama.

Abayobizi bakuru b’itorero rya ADEPR bagera kuri barindwi, nibo kugeza ubu bari mu maboko y’ubutabera nyuma yo gufungwa bakurikiranyweho kunyereza akayabo k’amafaranga y’u Rwanda arenga miliyari eshatu yari yatanzwe n’abakirisitu b’iri torero nk’imisanzu yo kwishyura inguzanyo iri torero ryafashe muri BRD.

Abo bayobozi ni Bishop Jean Sibomana wari Umuvugizi Mukuru wa ADEPR, Bishop Tom Rwagasana wari umuvugizi wungirije na Pasiteri Salton Niyitanga wakoraga mu biro bye nk’umunyamabanga, hakabamo Mutuyemariya Christine usanzwe ari umwe mu bagize Komite Nyobozi y’Itorero ADEPR aho yari ashinzwe ubukungu n’imari, hakabamo kandi Pasiteri Eng. Theophile Sindayigaya wari ushinzwe inyubako muri ADEPR, Gasana Valens ushinzwe icungamutungo muri ADEPR hamwe na Pasiteri Sebagabo Leonard wari Umunyamabanga Mukuru wa ADEPR.

JPEG - 191.5 kb

Bishop Jean Sibomana wari umuvugizi mukuru wa ADEPR

JPEG - 117.8 kb

Bishop Tom Rwagasana wari umuvugizi wungirije wa ADEPR

JPEG - 107.3 kb

Mutuyemariya Christine yari ashinzwe ubukungu n’imari

JPEG - 48.4 kb

Pasiteri Salton Niyitanga wakoraga mu biro bya Tom nk’umunyamabanga we

JPEG - 238.6 kb

Gasana Valens wari ushinzwe icungamutungo muri ADEPR

JPEG - 52.2 kb

Pasiteri Sebagabo Leonard wari Umunyamabanga Mukuru wa ADEPR.


Tanga Igitekerezo
Ibitekerezo 48
Nsabimana rbrt Kuya 23-06-2017

muzayobore intama neza nkuko muhawe kuziyobora

Nsabimana rbrt Kuya 23-06-2017

muzayobore intama neza nkuko muhawe kuziyobora

dushimimana Kuya 14-06-2017

Adeperiyibereyemugitototsi nibakanguke burskeye

Kayiranga Kuya 5-06-2017

Ariko ubu mu nzobere ziri muri ADEPR koko habuze inzobere zishyira hamwe ngo sisetinge system y’ itorero ko igendanye n’ igihe???? Muzunama Ku cyayiiiii gusaaaaaa! kugeza ryari! Numva ngo twarize! Ngi diplome zo mu gihugu na ziri mpuzamahanga; ngabo abakozi bikorera, abakorera imishinga n’ abajorera igihugu mu nzego zitandukanye, abakorera imiryango mpuzamahanga yigenga. Za doctorate zo ntiwabara ariko ugasanga Ibintu byageze iwandabaga kuriya!!!!; Ni ryari tuzabona umuyobozi uha karibi talents z’ abayoborwa ngo zigire uruhare mu bibakorerwa????????? Muhumuke bana! Cyangwa c muvuge ko TUBAYE NK’ INDONDOGOZI Y’ IKIRONDWE YUMIYE KU RUHU INKA YARARIWE KERA!

Mutimukeye Kuya 5-06-2017

Nitwongera kubura ubwenge Imana izatureke pe! Noneho birakabije! Ngo abayobozi ni ukuri! Yemwe bagabo mwe mwatowe na NDE! Ku ijanisha ry’ ineko itora se mwagize angahe ra ? Ko umubare wa abapantekote bari mu RDA tuwuzi se abakandida baturutse hasi twitoreye barihe? hanyuma se koko ababatoye reellement twarabatumye? Mbere y’ uko tubatuma se ahubwo mwe turabazi? imigabo n’ umigambi yanyu se yo turayizi???? Ariko noneho tubaye abarezi koko murabitwemeje kumugaragaro! Umva haribyo duhaze rwose! Maze namwe rero muremera barabasengera!!!!!! Ababatoye muzabe aribo muyobora bonyine twe muzatuvanemo! Iri ni ishyano twagushije erega kdi ni agahomamunwa. Niko ngo harya mwatowe na ba NDE????????

mwitende Egide Kuya 3-06-2017

Ndifuriza comite igiyeho kugira ibyo ihindura, nkamatora yo gushyiraho umuyobozi buri mukristo yakagombye kubigiramo uruhare naho ibisa nakazu, turabyanze

fabien Kuya 1-06-2017

Iman izabashoboze!

Mushimiyimana Kuya 1-06-2017

twishimiye komite nshya ihagiye,gusa turayisabako iterambere ry’umubiri ryakubakira kuryumwuka kdi bagaca bugufi bakanuka mubayorwa(abakristo no muma paroisse no mumidugudu) kdi India nini bakayigabanya bakaba abakozi b’Imana kuruta kuba abakozi b’idini.

Democracy Kuya 1-06-2017

Ariko democracy muri ADEPR izubahirizwa ryari. Ibintu ngo byo KWIMIKWA......... njye ndumva hajyaho ukuntu twajya twitorera abayobozi duhereye hasi mu midugudu! Bigaca agatsiko n’ akazu kdi tugahabwa ijambo biturutse hasi tukagira uruhare mumiyoborerwe n’ igenamigambi ry’ ibidukorerwa. Apana kuduturaho ibintu hejuru nkaho imitwe yacu idafitiye igihugu akamaro.

Ibyigenge Kuya 1-06-2017

Nubundi ngo aho umwuka atari abantu bigira ibyigenge: Bakoresheje uburyo bazimya impano z’ umwuka ndetse umwuka wera baramucecekesha rwose kugira ngo bamere nk’ abazimije itara maze bibire banakorere ibyaha ahatabona. Mbese mu mwijima! Hakuzamukira abadayimoni rutwitsi ba UZICYONDI CYO? UZI UWO NDI WE? UZI NARAGEZE AHA GUTE? naho ba Rev nabo baterwa na dayimoni y’ UBWOBA ngo ntavuga nkabura umugati wabana INO NI IKIGALI tugomba kumenya ubwenge kdi bakibagirwa ko bagomba kureberera umukumbi w’ imana no kuwukiza AMASEGA ARYANA no kuba ibiharamagara bishobotse bakarwanira ukuri. Ingero z’ abagore Baba’s ibiharamagara kubera umurimo w’ Imana zirahari muri bibiliya. Abakristo natwe twabaye Ba HUMIRIZA TUKUYOBORE turabyemera. Amaherezo turaza Gusenga dukanuye byakomeye. Ariko nsoze nsaba iriya komite guca bugufi bagasenga kwishyira hejuru yimpinga nta kizima bazasangayo uretse ubukonje nurubura ubushyuhe bwibera hasi mugikombe cy’ Umusozi.

HAKIZIMANA FAIDHA PATRICK Kuya 1-06-2017

ubu ubuyobozi bushya twishimiye kubabwirako uwo Imana yahaye inkoni agomba kuragira intama ze neza, ariko icyo tubasaba niba basoma ibitekerezo tuba twatanze simbizi, bazicare barebe ubuzima bwo mu mwuka abayoboke dufite niba bishimishije???, ngasanga bahereza paroisse ubushobozi bufatika badashingiye kuri bugdet (INGENGO) ikorwa nkagahato aho gukurikirana iterambere ry’imidugudu ugasanga bahagaritse umutima ku mafaranga amurikwa buri kwezi ndetse bafate umwanya wo kumanuka mu ma paroisse bashimire abakirisitu kuko bitwara neza mubibazo by’abayobozi bacu

Muzatubazwa Kuya 31-05-2017

Ngo muri bariya bashyizweho n’ ubundi harimo ngo uwakamejeje ngo arashaka kutuyobora. Muzaducungire umwuka ubimutera niba nawe atari V8 inywa 400, 000 FRS mucyumweru

in$nd Kuya 31-05-2017

Imana ishimwe k’ubwubuyobozi bushya iduhaye,ariko haricyo tubasaba turabasaba. Adpl yo mumyaka ishize,Adpl yomumyaka ishize yarangwaga numwuka w’Imana naho ubu irarangwa. Numwiryane mubakristo nomubayobozi ndetse numwuka mubitwizeye. Ko hamwe n’Imana harimpinduka igiye kugaragara tukabona. Itorero ry’Imana. Ryongeye kugushyira hamwe Imana ibashobozenumwnnumwuka.nMub

in$nd Kuya 31-05-2017

Imana ishimwe k’ubwubuyobozi bushya iduhaye,ariko haricyo tubasaba turabasaba. Adpl yo mumyaka ishize,Adpl yomumyaka ishize yarangwaga numwuka w’Imana naho ubu irarangwa. Numwiryane mubakristo nomubayobozi ndetse numwuka mubitwizeye. Ko hamwe n’Imana harimpinduka igiye kugaragara tukabona. Itorero ry’Imana. Ryongeye kugushyira hamwe Imana ibashobozenumwnnumwuka.nMub

kay Kuya 31-05-2017

ibindi biryabarezi

Hatesix Kuya 31-05-2017

Hari ubwo dutinda gukora impinduka kgo duter’imbere,lmana ubwsyo ikayikorera!

Hatesix Kuya 31-05-2017

Hari ubwo dutinda gukora impinduka kgo duter’imbere,lmana ubwsyo ikayikorera!

Hatesix Kuya 31-05-2017

Hari ubwo dutinda gukora impinduka kgo duter’imbere,lmana ubwsyo ikayikorera!

claude Kuya 31-05-2017

welcome
ariko twizereko mutazatuzahaza mutwaka imisanzu Itabaho,
ariko kauri new ziriya mva eshatu (3)(amafaranga,icyubahiro, n’abagore) byadufasha named bikabafasha khgerwaho n’ingaruka zitari NZIZA thx

Claude Kuya 31-05-2017

Felicitation, Hari icyo nifuza ko bakosora, bakureho itegeko ry’amaturo ngo angana na budget batekereje, nkaho ari umusaruro w’aho bahinze, bongere no kurwana n’inyigisho z’ibinyoma zinjijwe mu itorero no gushaka ayo mafaranga. Ijambo rizima riragenda rirabura burundu n’abarifite ntibongera guhabwa ijambo. Ibyaha byinjiriye muri icyo mvuze kuko abayafite bazananye n’ibyaha byinshi kuko batavugwaho bayafite. nabyo mubirebe kuko byababaje abasaza mu itorero.

Claude Kuya 31-05-2017

Felicitation, Hari icyo nifuza ko bakosora, bakureho itegeko ry’amaturo ngo angana nkaho ari umusaruro w’aho bahinze, bongere no kurwana n’inyigisho z’ibinyoma zinjijwe mu itorero no gushaka ayo mafaranga. Ijambo rizima riragenda rirabura burundu n’abarifite ntibongera guhabwa ijambo. Ibyaha byinjiriye muri icyo mvuze kuko abayafite bazananye n’ibyaha byinshi kuko batavugwaho bayafite. nabyo mubirebe kuko byababaje abasaza mu itorero.

EMMY Kuya 31-05-2017

Imana ifashe abahawe imirimo mishya turabasengera. Gusa mu kinyarwanda bati" inkoni ikubise mukeba uyirenza urugo" rero mukore ibyo bwatorewe nimuzana mama wararaye namwe ntimuraye! Yesu abibafashemo mais Imana ifasha uwifashije. nujya kwiyahura ntabwo Imana izakugarura izareka wimanike kuko wananiranye!

kiky Kuya 31-05-2017

Gusa abakristo muduhaye isomo, nanubu sinibaza ukuntu ukuntu umuntu arengwa mu FRS yasabye! Gusa niba 1/10 cyarababanye kinshi mu rwego rwo kubacungira umutekano ngo ejo mutazicana buriya twareba uko twajya tubaha 1/100 kuko mwe mngt yabananiwe! Turaza kubagerera nk’ uko umuntu agerera umwana ngo atagwa ivutu

domisi Kuya 31-05-2017

YESU ASHIMWE, TWIFURIJE ABAYOBOZI BACU AKAZI KEZA, GUSA ICYO KU BWANGE MBISABIRA NI UKU TITARANYA ITORERO N’ISHYAKA KUKO ISHINGANO Z’ITORERO ARI UGUSENGA GUSA NO KUBWIRA ABANTU IJAMBO RY’IMANA, IKINDI GUKUNDA ABAKIRISTO AHO GUKUNDA IBINTU, KU TITA KUCYUBAHIRO AHUBWO BAKITA KU GAKIZA, KUDASHAKA INYUNGU ZABO BWITE MU MURIMO BATOREWE AHUBWO BAGASHAKA INYUNGU Z’IMANA KUKO ARIYO BAGIYE GUKORERE KUTAGIRA UBWOBA BWO GUKORESHA UKURI NO KUKUVUGA, IKINDI BAMENYE KO ADEPR ARI ITORERO RY’ABANTU BAZI GUHAMAGARA IMANA IKABUMVA KANDI IKABATABARA MUGIHE BAYIBISABYE, ICYANYUMA GIKOMEYE BAMENYE KO IMANA YACU ARI IMANA YERA: NI UKUVUGA KO NABAYIKORERA BAKWIYE KUBA BERA, IMANA IZABANA NAMWE NIMUSHYIRA IMBERE, IKABA ARIYO IBAYOBORA AHAO KUYOBORWA N’ABANTU. KUBWANGE MUSUBIZEHO Assemble generale yaguye igizwe n’abashumba ba Paruwase zose, haba mu matora no mibindi byemezo bikomeye ijye ibanza iterane kuko yo nta kazu kayibamo. Murakoze Imana izabayobore,Ijye ibumva ariko byose izabikora kubera ko namwe mwayumviye.

izabayo Kuya 31-05-2017

Mubyo muzakora Ku ikubitiro muzihutire kubanza guhindura izina ADEPR murireke rijyane na bariya bagizi ba nabi n’ ingoma yaryo kuko kurubu ntirikuri izina riduteye ishema ahubwo ryatubereye igitutsi kubera mwebwe! aho kugirango rigumye kudukomeretsa njye ndumva ryazajya mumateka y’ itorero kdi ariya mateka mabi azandikwe akorerwe igitabo kibikwe atari uko kizadushimisha ahubwo ari ukugirango muduhe ikizere cy’ uko ibyabaye b8tazongera. Mumbabarire njye nzabashimira aruko namwe ibibagenza byasobanutse.

izabayo Kuya 31-05-2017

Mubyo muzakora Ku ikubitiro muzihutire kubanza guhindura izina ADEPR murireke rijyane na bariya bagizi ba nabi n’ ingoma yaryo kuko kurubu ntirikuri izina riduteye ishema ahubwo ryatubereye igitutsi kubera mwebwe! aho kugirango rigumye kudukomeretsa njye ndumva ryazajya mumateka y’ itorero kdi ariya mateka mabi azandikwe akorerwe igitabo kibikwe atari uko kizadushimisha ahubwo ari ukugirango muduhe ikizere cy’ uko ibyabaye b8tazongera. Mumbabarire njye nzabashimira aruko namwe ibibagenza byasobanutse.

Janvier Kuya 31-05-2017

Abashumba bataye inshingano zabo, bibereye mu byinda kurusha ibyubugingo kandi Imana izababaza intama zayo. Ahubwo harabura iki ngo amatorero akurikira nayo ashyireho ubuyobozi bushya: Inkurunziza, Zion Temple, Methodiste n’ayandi kuko

manu Kuya 31-05-2017

Bamenye aho bagenzi babo bakoranaga byapfiriye bahereho babikosora.Inyota y’amafaranga bayigabanye bakore umurimo w’Imana.Tubifurije kunesha

Jenedus in Kuya 31-05-2017

Imana ishimwe cyane! Tubifurije umugisha w’imana muruwo murimo muhamagariwe imana izababashishe gusa mube maso viateur ataba intumwa yabariya kuko yari nkabo in

binel Kuya 31-05-2017

ibibi byose byuririra ku mafaranga inda nini na ruswa. Imana ibwira Mose iti nimumara kurya mugahaga ntimuzibagirwe. namwe rero izi mva muzisibe mukorere iyabahamagaye

JC Kuya 31-05-2017

congratulations bakozi b’Imana byumwihariko Karuranga Tubifurije kuzakura itorero ry’Imana mu gihirahiro, tubari inyuma.

Ev. Ntamfurayishyari Slas Kuya 30-05-2017

Uwiteka Imana ahimbazwe cyane. Igitutsi cyo kwitwa impehe kiracecetswe! Amen! Bayobozi bacu, mube Abarinzi. Murinde bikomeye Igihango Imana ifitanye n abana bayo aribo torero ryayo. Mube Abarinzi b’ IGIHANGO. Turabasengera Imana izabashoboze kandi izabakoreshe iby ubutwari mw itorero ryacu n Igihugu cyacu kizabibashimire. Imana ibashyigikire Amen!

P Kuya 30-05-2017

Bureau nshya y’agateganyo ya ADEPR : Umuvugizi : Rev. Karuranga Ephraim(yari regional wungirije mu Majyaruguru) , Umuvugizi wungirije : Rev KARANGWA John(yari regional w’ururembo rwa ADEPR Uganda) , Secretaire General: Pst RUZIBIZA Viateur(yakoreraga muri departement y’ivugabutumwa DEVE yari ashinzwe Urubyiruko, Isanamitima, ECODIM n’itangazamakuru /Media) , DAEF : UMUHOZA Aulerie(yari umukristo w’i Remera) , umujyanama : Pst NSENGIYUMVA Patrick(yari umuyobozi w’urubyiruko rwa ADEPR ku rwego rw’igihugu). Imana ibashoboze gukora uyu murimo wayo neza

J D N sagyhat Kuya 30-05-2017

OOOHalleluyaaaaaaaaaaaaaaaaaaaaAmmeeeeeeeeeeeeeeeeeeena Pasteur Karuranga ejo namutekerezagaho ko ndi munteko itora ariwe natora none koko birabaye.Imana ishimwe kdi ikomeze ihembure umurimo way.abacitse intege ikomeze ibahe imbaraga

claudine Kuya 30-05-2017

felicitation vraiment bayobozi bacu, muzayoborwe n’umwuka w’Imana , Bibiliya ivuga ko ahatari UMWUKA WERA abantu bigira ibyigenge Imana ibibafashemo Amen

claudine Kuya 30-05-2017

felicitation vraiment bayobozi bacu, muzayoborwe n’umwuka w’Imana , Bibiliya ivuga ko ahatari UMWUKA WERA abantu bigira ibyigenge Imana ibibafashemo Amen

MYASE Kuya 30-05-2017

ABAVUYEHO TUBAHAYE INDURU ABAGIYEHO TUBAHAYE IMPUNDU. Abo ndabibuka babuza Pasteur Samson GASARASI ko asura abagize ibyago. Muzabyirengagize mubasure muri ’’mabuso"

Mucyo Kuya 30-05-2017

Tubifurije imirimo myiza, bazayoborwe n’umwuka wera birinde kuyoborwa n’inda kuko byombi bihabanye.

EMMANUEL NGEZAHAYO Kuya 30-05-2017

Past Ruzibiza Viateur yagaragaye cyane mu gusebya apapastor bagenzi be abita abanzi b’igihugu, kandi ayo magambo ntawuyobewe ko yari intwaro yo gucubya abagaragazaga amafuti bose, yewe no kuri nzahuratorero yitwaye artyo, ariko Imana itabera irabarinda ntibyagira icyo bibatwara, nkaba mbona ari icyasha kandi gikomeye.

MIHAYO Patrick Kuya 30-05-2017

Ndifuriza Comite nshya Ya ADEPR kuyobora ibifashijwemo N’IMANA ,Bakaba Inyangamugayo,Imfura,Urukundo,Ubugwaneza,ikindi natwe Abakristo Dusabwe Kubasengera Kuko Umurimo ni Mugari,Tugasengera nabafunzwe kuko IMANA yatumye YESU kubanyabyaha nimfungwa nimbababare,IMANA Izabashoboze kuyobora Umukumbi Mugari IMANA yabahaye

MIHAYO Patrick Kuya 30-05-2017

Ndifuriza Comite nshya Ya ADEPR kuyobora ibifashijwemo N’IMANA ,Bakaba Inyangamugayo,Imfura,Urukundo,Ubugwaneza,ikindi natwe Abakristo Dusabwe Kubasengera Kuko Umurimo ni Mugari,Tugasengera nabafunzwe kuko IMANA yatumye YESU kubanyabyaha nimfungwa nimbababare,IMANA Izabashoboze kuyobora Umukumbi Mugari IMANA yabahaye

ELISE Kuya 30-05-2017

ok !!! ni byiza cyane . niba mugiyeho muzirinde kugwa mu gatego k’amafaranga nk’ako bariya musimbuye baguyemo. musengere mu kuri no mumwuka mukure, igitutsi mu bwoko bw’Imana mwubake bihame, tudakomeza kuba igitutsi mu banyamahanga. Imana ibashyigikire ni mukkora neza muzashimwa n’Imana n’abantu, natwe tubari inyuma mu nzira nziza.

ELISE Kuya 30-05-2017

ok !!! ni byiza cyane . niba mugiyeho muzirinde kugwa mu gatego k’amafaranga nk’ako bariya musimbuye baguyemo. musengere mu kuri no mumwuka mukure, igitutsi mu bwoko bw’Imana mwubake bihame, tudakomeza kuba igitutsi mu banyamahanga. Imana ibashyigikire ni mukkora neza muzashimwa n’Imana n’abantu, natwe tubari inyuma mu nzira nziza.

Gahima Kuya 30-05-2017

naba bahagiye ni agafaranga bashaka
Daniel9:27no mu
abaheburayo10:5( havugako amaraso yaYesu yakuyeho amaturo)

Dominique Kuya 30-05-2017

uyu Ruzibiza mumfashije yaba ariwe wayoboraga ku mudugu wa Muhima? hagize uwaduha aho aba bayobozi bayobiraga byadufasha. Ikindi baba batowe kuyobora inzibacyuho cyangwa ni definitif

Uwera Kuya 30-05-2017

Congz kuri Pastor ruzibiza Viateur, nkuzi muri nur I Huye ufite ijambo ry’Imana umutima wawe. Hamwe na bagenzi bawe Imana izabakoreshe iby,’ubutwari

Uwera Kuya 30-05-2017

Congz kuri Pastor ruzibiza Viateur, nkuzi muri nur I Huye ufite ijambo ry’Imana umutima wawe. Hamwe na bagenzi bawe Imana izabakoreshe iby,’ubutwari

elysee Kuya 30-05-2017

Imana ishimwe yo ireberera umurimo wayo no kubwo abo yemeye ko bawuhagararira hano mu gihugu Imana ibibafashemo natwe abakristu tubaye turuhutseho igitugu cya bariya bagiye!!!!!!!!!!!!!!

IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA