konka coffee
KONKA

AMAKURU

UKWEZI

Karongi: Impanuka ikomeye y’ikamyo yahitanye ubuzima bw’abantu

Karongi: Impanuka ikomeye y’ikamyo yahitanye ubuzima bw’abantu
18-06-2017 saa 11:43' | By Chief Editor | Yasomwe n'abantu 14550 | Ibitekerezo 4

Mu ijoro ryo kuri uyu wa Gatandatu tariki 17 Kamena 2017, impanuka ikomeye y’imodoka y’ikamyo yo mu bwoko bwa FUSO yabereye mu karere ka Karongi, ihitana ubuzima bw’abantu bagera kuri batatu barimo n’umushoferi wari uyitwaye.

Mu masaha ya saa mbiri n’iminota 10, mu ijoro ryo kuri uyu wa Gatandatu, mu mudugudu wa Gatare, akagari ka Gasura mu murenge wa Bwishyura ho mu karere ka Karongi, habereye impanuka ikomeye ya FUSO ifite ibirango (Plaque) RAC 767 Y, nyuma yo kurenga umuhanda abari bayirimo bose bakaba bahise bapfa.

CIP Emmanuel Kabanda; umuvugizi w’ishami rya Polisi y’u Rwanda rishinzwe umutekano wo mu muhanda, yatangarije ikinyamakuru Ukwezi.com ko iyi kamyo yari itwawe na Nkundabagenzi Pascal yarenze umuhanda ikagonga umukingo ikagwa igaramye, abantu batatu bari bayirimo barimo n’umushoferi bakaba bahise bahasiga ubuzima.

Iyi kamyo yangiritse cyane n’abantu bari bayirimo bose bahita bahasiga ubuzima

Iyi kamyo yavaga i Nyamasheke yerekeza i Karongi, yari ipakiye ibijumba. Polisi ivuga ko icyateje impanuka kitaramenyekana cyakoze iperereza rikaba ryatangiye ngo hamenyekane ukuri kwabyo, hagati aho imirambo y’abayiguyemo ikaba yajyanywe mu bitaro bya Karongi naho imodoka itwarwa mu modoka yikorera izindi (Break Down) yayigejeje kuri sitasiyo ya Polisi ya Bwishyura.

Mu masaha ya mugitondo cyo kuri iki Cyumweru, ibikorwa by’ubutabazi byari bikomeje n’ubwo nta wabashije kurokoka


Tanga Igitekerezo
Ibitekerezo 4
Agaca Kuya 21-06-2017

None se ko bavuga ngo mu gihugu ngo inward iraca ibintu bamwe ngo bavuga ni abandi b,i gihugu muragira ngo hakorwe iki ?abo bicwa n,umurengwe ahari utuma biba

adventiste Kuya 21-06-2017

imana itabare urubyiruko kuko nikibazo gikomeye dufitepe?

EMMANUEL Kuya 20-06-2017

UWITEKA MANA ABANTU UBASHYIRE MUBWAMI BWAWE

BIYOGERA VINCENT Kuya 19-06-2017

IMANA IBAKIRE MUBAYO

IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA