konka coffee
KONKA

AMAKURU

UKWEZI

Abakobwa bashimushwe na Boko Haram bagaragaye bafite intwaro banavuga ko bayiyobotse

Abakobwa bashimushwe na Boko Haram bagaragaye bafite intwaro banavuga ko bayiyobotse
16-05-2017 saa 19:17' | By Vincent Nsengiyumva | Yasomwe n'abantu 4897 | Ibitekerezo 1

Kuri uyu wa Kabiri Boko Haram yashyize hanze amashusho agaragaza abakobwa 4 banze gutahana na bagenzi babo 82 bari barashimutiwe hamwe baherutse kurekurwa. Aba bakobwa bavugaga ko badateze kuzasanga imiryango yabo ngo kuko inyuranya n’amategeko ya Allah ndetse bakaba banashishikarizaga abandi kujya kwiyunga n’uyu mutwe w’iterabwoba.

Aya mashusho Boko Haram yayashyize ahagaragara nyuma y’iminsi micye harekuwe abakobwa 82 bari barashimuswe ari abanyeshuri i Chibok mu mujyi wa Borno mu mwaka wa 2014 bakajyanwa mu mashyamba ya Sambisa aho uyu mutwe ushinze ibirindiro.

Ikinyamakuru Sahara Reporters kivuga ko aya mashusho yafashwe na bamwe mu bayoboke ba Boko Haram maze bayakwirakwiza ku mbuga nkoranyambaga

Aya mashusho yagaragazaga umwe muri aba bakobwa wavuze ko yitwa Maida Yakubu afite imbunda yo mu bwoko bwa AK47 akaba ari na we wasubizaga ibibazo babazwaga n’umuntu utagaragajwe muri ayo mashusho.

Uyu mukobwa yagize ati “Ntabwo dukeneye kuzasubira mu miryango twaturutsemo kubera ko batubahiriza amategeko ya Allah. Ahubwo ndaburira ababona iyi videwo kuva mu buyobe bakaza bakatwiyungaho.”

Yunzemo ati “Ntabwo twigeze duhatirwa kurongorwa n’abagabo bo muri uyu mutwe wa Boko Haram kuko bikorwa hakurikije amahitamo ya buri wese. Nta kibazo twigeze tugirira hano ahubwo twasanze ari wo muryango ukwiye twari dukeneye.”

Boko Haram imaze guhitana abantu basaga ibihumbi 20, abasaga miliyoni 2 bavuye mu byabo kubera intambara n’akaduruvayo katewe n’uyu mutwe kuva mu mwaka wa 2009 washingwa n’intagondwa zigendera ku mahame akakaye ya Kisilamu.


Tanga Igitekerezo
Ibitekerezo 1
binel Kuya 17-05-2017

aba bakobwa barazira iki kweli

IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA