konka coffee
KONKA

AMAKURU

UKWEZI

Ibintu 10 bitangaje wamenya kuri Perezida mushya w’u Bufaransa ushobora kuzapfa atabyaye

Ibintu 10 bitangaje wamenya kuri Perezida mushya w’u Bufaransa ushobora kuzapfa atabyaye
7-05-2017 saa 22:42' | By Chief Editor | Yasomwe n'abantu 16182 | Ibitekerezo 6

Emmanuel Macron w’imyaka 39 y’amavuko, ni we watorewe kuba Perezida mushya w’u Bufaransa atsinze Marine Le Pen bari bahanganiye uyu mwanya. Ibyavuye mu matora by’agateganyo bigaragaza ko Emmanuel Macron yatsinze n’amajwi 65.1% kuri 34.9% ya Marine Le Pen. Uyu Perezida mushya w’u Bufaransa, afite byinshi yihariye tugarukaho muri iyi nkuru.

Emmanuel Macron wamaze gutorerwa kuyobora u Bufaransa nka Perezida usimbuye Francois Hollande, akiri muto yakunze kuvuga ko azayobora u Bufaransa none yabashije kubigeraho, ibyitwaga inzozi byabaye impamo.

Usibye gukunda kugaragaza inyota yo kuba Perezida w’u Bufaransa mu buto bwe, Macron yagiye agaragara ndetse anakora byinshi bitangaje benshi bashobora kuba batazi kugeza ubu. Mu bayoboye iki gihugu bose, ubu Emmanuel Marcon ni we Perezida w’u Bufaransa ufite byinshi bitangaje mu mateka ye.

Dore bimwe mu byo ushobora kuba utari uzi kuri Macron wahirimbaniye kuba Perezida akaba abashije no kubigeraho:

1. Macron yashakanye n’umugore umurusha imyaka 25

JPEG - 49.8 kb

Emmanuel Macron ufite imyaka 39 gusa, nyamara yashakanye na Brigitte Trogneux w’imyaka 64 aho amurusha ikinyuranyo cy’imyaka 25 yose kuko ubu we afite imyaka 64 y’amavuko.

Macron n’umugore we Brigitte bashyingiwe mu mwaka wa 2007 ubwo uyu mugabo yari afite imyaka 29, mu gihe umugore we yari yujuje 54 yose, ibintu umuryango wa Macron warwanyije cyane udashaka ko umwana wabo yashyingiranwa n’umuntu ukuze bigeze aha ariko biranga biba iby’ubusa.

2. Umugore we yamwigishije mu mashuri yisumbuye

JPEG - 80 kb

Macron yamenyanye na Brigitte ubwo yamwigishaga mu mashuri yisumbuye afite imyaka 15, maze batangira gukundana biza kugera aho urukundo rwabo rushinga imizi kuburyo baje no kwemeranya kuzabana.

3. Macron yari umuhanga mu gukina amakinamico ubwo yigaga mu mashuri yisumbuye

Emmanuel Macron yatangiye kugaragaza ubuhanga buhambaye ubwo yigaga mu mashuri yisumbuye akina amakinamico ubwo yari mu itsinda ry’abana bakinaga amakinamico batozwa na Brigitte wabigishaga Igifaransa wanaje kumubera umugore.

Uretse gukina amakinamico kandi Macron yari umuhanga mu kwandika imivugo n’ibisigo.

4. Macron nta mwana yigeze abyarana n’umugore we Brigitte

JPEG - 164.4 kb

Kubera gushakana na Brigitte wari umaze kugeza mu gihe cyo gucura (yaraciye imbyaro), Macron nta mahirwe yagize yo kuba yabona akana kamukomokaho ndetse uretse igitangaza cy’Imana ubu ntibyanashoboka ko abyarana na Brigitte w’imyaka 64 yose. Atabyaranye na Brigitte ntanamuce inyuma ngo abyarane n’undi mugore, byaba bisobanuye ko azarinda apfa nta mwana abyaye.

5. Yashakanye na Brigitte afite abana 3 harimo uwo banganya imyaka

JPEG - 94.9 kb

Brigitte yashakanye na Macron afite abana 3 barimo n’uwo banganyaga imyaka ndetse bakaba baraniganye mu ishuri rimwe. Ikindi kandi, Brigitte yashatse umugabo we wa mbere Macron ataranavuka, bivuga ko yavutse asanga uyu mugore we amaranye imyaka itatu n’umugabo we wa mbere.

6. Umwana w’umugore we ni we wari uyoboye ibikorwa bye byo kwiyamamariza kuba Perezida

Tiphaine Auziere w’imyaka 30 akaba umuhererezi wa Brigitte, ni we wari uhagarariye ibikorwa byo kwamamaza Macron muri aya matora y’umukuru w’igihugu. Uyu mukobwa wa Brigitte yarangije amashuri mu ishuri ry’amategeko.

7. Macron yashatse kubana na Brigitte afite imyaka 17 gusa ababyeyi bamubera ibamba.

JPEG - 59.2 kb

Bakimara imyaka 2 gusa bamenyaniye mu ishuri Jesuit, ku myaka 17 y’amavuko Macron yari afite, yashatse ko bashyingiranwa na Brigitte wari ufite imyaka 42 icyo gihe ababyeyi be barahaguruka barabyamagana, gusa akomeza gutsimbarara ku kuba azashyirwa babanye.

8. Brigitte yabonye gatanya n’umugabo we ahita ashyingirwa na Macron

Mu mwaka wa 2007 ubwo Macron yashyingirwaga n’umugore we Brigitte, uyu Brigitte yari amaze igihe gito atandukanye n’uwari umugabo we André Louis Auzière banabyaranye abana 3.

9. Macron si umuntu woroshye, yakoze imirimo itandukanye muri Guverinoma y’u Bufaransa

Macron wakunze kugaragaza inyota yo kuyobora u Bufaransa, yagiye ahabwa inshingano zikomeye zitandukanye muri guverinoma aho yabaye umunyamabanga uhoraho muri Perezidansi kuva muri 2012 kugeza muri 2014, akayobora Minisiteri y’Ubukungu n’inganda n’ibindi.

10. N’ubwo Macron ari umuhanga mu ndimi n’ubuvanganzo, ngo ni n’umuhanga mu mibare ku rwego rwo hejuru

Macron wagiye ugaragaza ubuhanga bwe mu ndimi n’ubuvanganzo mu mpano zitandukanye zirimo guhanga imivugo, ibisigo no gukina amakinamico, ngo ni n’umuhanga wo ku rwego rwo hejuru mu mibare ndetse n’ibijyanye n’icungamari n’ubukungu.

JPEG - 35.3 kb
JPEG - 50.1 kb
JPEG - 81.1 kb
JPEG - 48.4 kb
JPEG - 122.5 kb

Emmanuel Macron n’umugore we Brigitte ufite imyaka 64

Kuba Emmanuel Macron yatsinze amatora bivuze iki ku Rwanda?

Kuba Emmanuel Macron yatsinze amatora akaba Perezida w’u Bufaransa, hari ibyerekana ko ari amahirwe y’izahuka ry’umubano w’u Rwanda n’u Bufaransa. Uyu mugabo w’imyaka 39 ni inkoramutima ya Nicolas Sarkozy wigeze kuba Perezida w’u Bufaransa, ndetse Sarkozy aherutse gutangaza ko yari amushyigikiye cyane muri aya matora.

Umubano w’u Rwanda n’u Bufaransa, uheruka kuba mwiza ku gihe cy’ubutegetsi bwa Perezida Nicolas Sarkozy. Tariki 27 Gashyantare 2015, Perezida Paul Kagame yagiye mu Bufaransa mu nama yari yateguwe na UNESCO, icyo gihe akaba nta muyobozi mukuru w’igihugu cy’u Bufaransa yabashije guhura na we, ahubwo yahuye anagirana ibiganiro n’uwahoze ari Perezida w’iki gihugu, Nicolas Sarkozy, utavuga rumwe n’ubutegetsi buriho muri iki gihugu, buhagarariwe na Perezida Francois Hollande.

JPEG - 54.8 kb

Ubwo Nicolas Sarkozy, hari intambwe yari imaze guterwa mu mibanire y’ibihugu byombi

Ubwo yabazwaga na Jeune Afrique impamvu yashatse guhura na we, Perezida Kagame yagaragaje ko ashima cyane uburyo Nicolas Sarkozy yari afite ubushake mu kunoza umubano w’ibihugu byombi. Perezida Kagame yagize ati: "Inshuti duhuriyeho zambwiye ko yabonekaga kandi ko dushobora guhura. Igihe yari akiri ku ntebe y’ubuyobozi, Sarkozy yagize ubushake n’ishyaka mu kugabanya ukutumvikana kwari hagati y’u Bufaransa n’u Rwanda. Nashakaga kongera kubimubwira, twabivuzeho byose, tuvuga ku ntera yari imaze guterwa..."

JPEG - 87.3 kb

Emmanuel Macron ni inshuti ya Nicolas Sarkozy

Umubano Macron na Sarkozy bafitanye, ushobora no gutuma bavuga rumwe ku mubano w’u Rwanda n’u Bufaransa, kuko Sarkozy ari we Perezida u Bufaransa bwagize mu myaka micye ishize, wabashije kugira ubushake mu kunoza umubano n’u Rwanda.


Tanga Igitekerezo
Ibitekerezo 6
nikore Kuya 4-06-2017

Yewe ni amahano pe! Nuko abazungu batajya bagira ibyo baziririza ninko gushakana na nyogokuru wawe!.

Tumukunde Marie Rose Kuya 17-05-2017

Leopord WoWe nturi Umunyarwanda? urunva uburyo uduciye amazi NGO abazungu baradusize ntasoni koko WoWe ubona biriya aribyo baturusha kuba umubyeyi yaba afite umwana mungana akagushaka koko ahubwo ntibatekereza nkatwe woe urunva gupfa utabyaye aribintu Imana yashizeho umugabo numugore kugirango babyare bororoke buzuze isi uziko ubwo ushobora gusanga uwo Macron yarikuzabyara yarikuzaba umukwe wawe none urashyigikira kutabyar kwe NGO nicyo barusha Abanyarwanda ijambo unyarwanda ujye uryubaha ntukarikinishe .nibyiza kuba yaratowe ariko kuba yarashatse umuntu uruta nabyo sicyibazo ikibazo kurinjyewe ni uburyo batazabyarana nimbe numugore yifitiye abana ubwose koko murunva njyewe ndunva ariho hazapfa gucana inyuma ajyagushaka akana nubwo atamuca inyuma ariko kubaho ntamwana ugira utaringumba ahubwo ariwoe ubyihitiyemo subumenyi pe.

sage Kuya 8-05-2017

nejejwe no kuba emmanwel yaratorewe kuba president w’ubufaransa gusa umugore we ni umucecuru pe,ashake ago abyara akana kazamuzungura

Sano Kuya 8-05-2017

Ntimukabeshye Abantu kuko ntaho Macro na Sarkozy bahuliye ,kuko nta namaze ze acyeneye .

Leopold Kuya 8-05-2017

Ariko abanyarwanda muransetsa, nonese kuba macron yarashakanye numugore umuruta akaba atazamubyarira akana nukuvugako bitangaje??? Abazungu kuribo icyo sikibazo habe namba kuko baraturenze cyane muri byose!!! Kuba rero atabyara ntakibazo kirimo ku muzungu rwose mureke gukomeza guta umwanya wanyu mu mutindaho kuriyo sujet. Kuri macron we ari fier pour Brigitte cyane. Nimwicecekere rwose kuko murata igihe cyanyu pour rien!!!!

Betty Kuya 8-05-2017

Macro arabikwiye kuba president w’ubufaransa. Gsa uwo mugore we umurusha imyaka 25 ntibibaho

IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA