konka coffee
KONKA

AMAKURU

UKWEZI

Hervé ukomoka mu Rwanda yatorewe kuba Umudepite mu Bufaransa

Hervé ukomoka  mu Rwanda yatorewe kuba Umudepite mu Bufaransa
19-06-2017 saa 05:55' | By Vincent Nsengiyumva | Yasomwe n'abantu 7860 | Ibitekerezo 6

Hervé Berville w’imyaka 27 ufite inkomoko mu Rwanda yatorewe kuba Umudepite mu Nteko Ishinga Amategeko y’u Bufaransa aho agiye guhagararira ishyaka En Marche! riri ku butegetsi riyobowe na Emmanuel Macron uherutse gutorerwa kuyobora iki gihugu.

Kuri iki Cyumweru tariki ya 18 Kamena 2017 nibwo mu Bufaransa habaye amatora y’Abadepite maze Hervé Berville atorerwa guhagararira umujyi wa Dinan uherereye mu Majyaruguru ashyira Uburengerazuba bw’u Bufaransa ku majwi 64%.

Uyu musore w’umunyarwanda ukiri muto atsinze aya matora yo guhagararira umujyi wa Dinan mu Nteko ishinga amategeto yari ahanganye bikomeye n’uwahoze ari umuyobozi w’uyu mujyi Didier Lechien, nawe washakaga uyu mwanya.

Hervé Berville wavukiye mu Rwanda mu 1990, yakuwe mu gihugu cye cy’amavuko mu 1994 mu gihe cya Jenoside yakorewe abatutsi ajya kurerwa n’umugabo n’umugore we b’Abafaransa bari batuye i Pluduno ari naho yakuriye. Yakuze ari umunyeshuri w’umuhanga, yiga ibijyanye n’ubumenyi mu bya Politiki aza gukomereza muri Kaminuza y’i London mu Bwongereza aho yaminurije ibijyanye n’ubukungu.

JPEG - 139.2 kb

Hervé Berville ukomoka mu Rwanda yatorewe umwanya w’ubudepite mu Bufaransa

Hervé Berville yakunze gukorera ku mugabane wa Afurika mu myaka micye ishize n’ubwo yakoreraga ibindi bihugu by’amahanga. Guhera muri 2014, Hervé Berville yatangiye gukorera ikigo cy’Abafaransa gishinzwe iterambere aho yari afite icyicaro muri Mozambique, nyuma aza gukora nk’umushakashatsi wa Kaminuza ya Stanford yo muri California, akaba yarakoreraga muri Kenya.

Guhera muri 2015, Hervé Berville yatangiye gukorana n’urubyiruko rwo mu ishyaka rya Emmanuel Macron uherutse gutorerwa kuba Perezida w’u Bufaransa, ndetse akaba yaranagize uruhare rukomeye mu bikorwa byo kumwamamaza. Ibikorwa yagiye agaragaramo byatumye amenyekana nk’umuhanga ufite impano yo kumvikanisha icyo rubanda bakeneye.

JPEG - 206.8 kb


Tanga Igitekerezo
Ibitekerezo 6
Vuguziga Kuya 20-06-2017

PADRI NAHIMANA ASHAKISHE UKUNTU YABA. MINISTIRE. MAZE ABONE UKUNTU AZAJYA ASURA URWANDA. HANYUMA KANDI MUDUKURE MURUJIJO UWO MUDEPITE NI MWENE NDE ? BARI BATUYEHE ? KUKO NTAKINTU NAKIMWE KIGARAGAZA KO AKOMOKA MURWANDA !

IYOBAZAKUBIMENYA Kuya 20-06-2017

abasesenguzi ko ntacyo baravuga la?? ubu embassy y’u rwanda muri france iriho iramwikundishaho kd ntago babizi, ...iyo baza kubimenya!!!

Bosco Kuya 20-06-2017

Ariko njyewe ndumva aya makuru kuyatugezaho ntacyo bitwaye! ikibi nuko yaba arimo ibinyoma. Naho niba wowe uzirambiwe twe tuba dukeneye kumenya ibibera hirya no hepfo.

Umuhuza Kuya 20-06-2017

Ese kuki mushishikazwa no kumenya ab\torewe kuba abayobozi bamahanga? Nonese aho yakoze mbere yogutorerwa uwomwanya harimo Urwanda? Kuki mukunda kwamamaza ibidafitiye urwanda akamaro? Izo nkuru turazirambiwe. Turikwitegura gutora Umukuru w’Igihugu ese mubyiteguye ute? Mugire amahoro

Kubwimana (Kayonza) Kuya 19-06-2017

Ibipfu birikirigita bigaseka!!! ubwo se urabona afite amazina y’ikinyarwanda? mwibwira ko ntayo yigeze se? yatowe kuko afite imyumvire ahuriyeho n’abamutoye, ibyo twibwira wasanga n’ikinyarwanda ntacyo azi cg no kuba akomoka mu Rwanda ntacyo bimubwiye! ubwo muraje mutubwire ibisekuruza bye ni aho yabatirijwe........ ibyo atekereza bihwanye ni iby’ibamutoye.
Harya ko Obama yatowe muri America akomoka muri Kenya byafashije iki Abanyakenya, Mureke turwane nibyo turwana nabyo tureke guta ibitabapfu!!!! kdi nkeka mu bamutoye ntawambara Bodaboda cg ibirenge urimo (uyu mwana cg umugabo ari kurwego rw’abanyaburayi ntaho ahuriye natwe)

umushishozi Kuya 19-06-2017

Ubu ndabizi bamwe bita,abasesenguzi,batangiye kwibaza nimba gutorerwa umwanya wubudepite nkumunyarwanda byazaba imbarutso ko abafaransa bashobora kwemera uruhari rwabo muri jenocide yabereye murwanda bikaba byashingirwaho bigizwemo uruhari nuyu munyarwanda watorewe uyu mwanya!

IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA