konka coffee
KONKA

AMAKURU

UKWEZI

AMAFOTO: Perezida Museveni yongeye kwemeza abaturage anyonga igare anikorera imitwaro

AMAFOTO: Perezida Museveni yongeye kwemeza abaturage anyonga igare anikorera imitwaro
21-03-2017 saa 19:45' | By Chief Editor | Yasomwe n'abantu 19806 | Ibitekerezo 5

Perezida Yoweri Kaguta Museveni wa Uganda, yongeye gutangaza abaturage yari yumije n’ubundi mu mwaka ushize wa 2016 ubwo yajyaga kuvoma amazi akayapakira ku igare akanereka abaturage ubwo bavomerera imyaka, ubu noneho yasubiye mu gace yabikozemo maze yikorera imitwaro karahava, anerekana uburyo abaturage bakwiye kwikorera imirimo y’ubuhinzi bakiteza imbere.

Kuri uyu wa Mbere tariki 20 Werurwe 2017, Perezida Museveni yagiye mu ruzinduko mu karere kitwa Luweero, aho mu mwaka ushize yavuze ko yagiye mu gikorwa cyo kuhageza ubukire. Mu gitondo cya tariki 31 Ukwakira 2016, yari yafashe igare rye bwite ajya kuvoma amazi, ubundi yereka abaturage uburyo bashobora kuvomerera ikawa n’urutoki bikarushaho kubazanira umusaruro uzatuma bakira.

Aha Perezida Museveni yari n’igare rye avuye kuvoma amazi mu kwezi k’Ukwakira 2016

Nyuma y’amezi macye avuyeho, noneho yagiyeyo agera muri aka gace neza ari ku igare rye, ubundi afatanya n’abaturage gufumbira no kwita ku myaka bateye mu mwaka ushize, avuga ko ari igikorwa akomeje kigomba kurangira aka gace kagezemo ubukire buzakomeza guhindura imibereho y’abahatuye.

Perezida Museveni yageze muri aka gace yitwariye igare

Perezida Museveni yeretse abaturage urugero yikorera imizigo y’ibyatsi byo gusasira insina

N’ubwo ari Perezida yerekana ko iby’ubuhinzi abisobanukiwe cyane

Aha yitaga ku buhinzi bw’ibihumyo

Akarere ka Luweero, niko katangirijwemo ishyaka rya Perezida Museveni rizwi nka NRM, Uyu mukuru w’igihugu umaze imyaka irenga 30 ayobora Uganda akaba avuga ko aka gace gakwiye no kuba intangarugero mu kwiteza imbere no kugaragaza gahunda yihaye yo kwereka abaturage uburyo bakwigeza ku bukire.


Tanga Igitekerezo
Ibitekerezo 5
John Kuya 19-04-2017

Museveni ni Umuyobozi w’indashyikirwa mu bigaragara akunda abaturage be.Kubona Uganda itagira impunzi nk’ibi bihugu byacu u Rwanda, Burundi na Congo ni ibyerekana ko Museveni ari mature muri Politiki Nubwo bamugaya ngo amaze igihe ku butegetsi jye mbona ariwe mu President w’intangarugero muri East Africa. Abanyafurika muri Uganda baba bameze nk ’abari mu bihugu byabo. Abanyarwanda nibo babihamya.

Richard Kuya 23-03-2017

😄😄😄😄😄 kuberiki yarinze kujyana nabarinzi iyo agenda wenyine nkuko nambere akiri umudirigi yabikoraga, ibimenyetso byohusaza. Ubwo ateye ikirenge mu cya Mugabe Robert na rukokoma wacu basazanye udushya

sibomana Kuya 22-03-2017

genda museveni uri umugabo uzagumane ingoma nta mugande winshwe n’inzara bose bararya bagahaga uruwo gushima keretse bagize umurengwe bakikura amata mukanwa nko kwa kadafi

sibomana Kuya 22-03-2017

genda museveni uri umugabo uzagumane ingoma nta mugande winshwe n’inzara bose bararya bagahaga uruwo gushima keretse bagize umurengwe bakikura amata mukanwa nko kwa kadafi

Pamu Kuya 22-03-2017

Museveniurumuntu Wumugabontabyuba Hirubyiisiukeneye.

IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA