konka coffee
KONKA

AMAKURU

UKWEZI

Gukora imibonano mu buryo budasanzwe byatumye abyara abana 54 badahuje ba nyina

Gukora imibonano mu buryo budasanzwe byatumye abyara abana 54 badahuje ba nyina
18-04-2017 saa 10:41' | By Vincent Nsengiyumva | Yasomwe n'abantu 8483 | Ibitekerezo

Umugabo witwa Abdul Majeed Mengal, w’imyaka 70 y’amavuko, wo mu gace ka Nushki mu mujyi wa Quetta, mu Burengerazuba bwa Pakistan, avuga ko yabyaye abana 54, ku bagore batandukanye aho yivugira ko mu busore bwe ku munsi yagombaga kurara ateye akabariro.

Abdul Majeed Mengal, w’imyaka 70 avuga ko muri abo bana yabyaye bose uko ari 54, harimo 12 bamaze kwitaba Imana hakaba hasigaye 42 barimo abasore 22 n’abakobwa 20.

Uyu mugabo umaze kugera mu za bukuru avuga ko aba bana bose uko ari 54 yababyaranye n’abagore 6.

Yagize ati “ Mu busore bwanjye nari mfite akabaraga. Nagombaga gutera akabariro byibura buri munsi. Gusa ikimbabaza ni uko bamwe mu bana nabyaye bitabye Imana. Nagerageje gukora cyane kugira ngo abana banjye bose bazabashe kwiga ariko nshaje bose batararangiza kwiga, sinkibona imbaraga zo kugira icyo nkora.”

Abdul yashyingiwe n’umugore we wa mbere ubwo yari afite imyaka 18 gusa nyuma aza gushakana n’abandi 5 cyane ko amahame yo mu idini ryabo rya Islam ribibemerera.

Abdul yabwiye umunyamakuru wa Daily Mail ko umwe mu bagore be yapfuye azize uburwayi butunguranye. Yagize ati “ Umwe mu bagore banjye yarwaye indwara itunguranye kandi icyo gihe nta mafaranga yo kumuvuza nari mfite kuko nta kazi nari mfite, nibwo yaje kuremba ahita apfa.”

Abdul avuga ko yakoraga akazi ko gutwara ibimashini byubaka aho umwana we w’imfura witwa Abdul Bari Mengal, nawe yaje kwiga gutwara ibyo bimashini kugira ngo amufashe gutunga uwo muryango mugari bari bafite.

Uyu muryango wose wibera mu nzu imwe ifite ibyumba 7, aho abana bagira ibyabo byumba byo kuraramo bitandukanye n’iby’ababyeyi babo.

Abdul kandi yavuze ko ababazwa n’uko yashaje abana be bose batarasoza amashuri, kuko abagera ku 10 batiga kubera ikibazo cy’ubushobozi bwabuze.

Yagize ati “ Nakoze uko nshoboye kugira ngo abana banjye bose bige, ariko imbaraga zanshiranye bose batararangiza kwiga.”

Yakomeje avuga ko yizeye ko abana be bakuru bamaze kurangiza amashuri bari gushaka akazi kandi ko nibakabona bazarihira amashuri barumuna babo nabo bakiga bakarangiza.

Igihugu cya Pakistan kiri mu bihugu byo ku mugabane wa Asiya bifite abaturage benshi cyane kubera abantu bo muri iki gihugu babyara abana benshi, kikaba gifite abaturage babarirwa muri miliyoni zisaga 194.

JPEG - 67.5 kb

Umusaza Abdul wabyaye abana 54 avuga ko akiri umusore yagombaga gutera akabariro buri munsi

JPEG - 112 kb

Umuryango mugari wa Abdul Majeed

JPEG - 87.6 kb
JPEG - 72.4 kb

Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA