konka coffee
KONKA

AMAKURU

UKWEZI

Ibaruwa y’ubusabe bwahuranyije Joriji Baneti yandikiye Minisitiri w’Abakozi ba Leta n’umurimo

Ibaruwa y’ubusabe bwahuranyije Joriji Baneti yandikiye Minisitiri w’Abakozi ba Leta n’umurimo
8-12-2016 saa 12:11' | By Chief Editor | Yasomwe n'abantu 16878 | Ibitekerezo 24

Madamu Minisitiri w’abakozi ba Leta n’umurimo, mbanje kubasuhuza cyane mbashimira uburyo mukora iyo bwabaga ngo muteze imbere umurimo, gusa sinanabura kubagaya gahoro kuko ntacyo mwakoze ku byo nabasabye ubushize, murabizi ko atari ubwa mbere mbandikira n’umukono wanjye nizeye ko muwumenyereye, gusa niba mutanyibuka nabwo ndongera mbibwire.

Ni Joriji Baneti, intumwa ya rubanda itabarizwa mu Nteko Ishinga amategeko, nkaba uwo benshi bitaga uw’ubwenge bugerwa ku mashyi ariko ubu nagobotswe n’uburezi kuri bose bwimakajwe mu Rwanda, narajijutse menya ko nanjye hari ibitekerezo bizima natanga ninayo mpamvu ubona mba mbyaza umusaruro ubwo bumenyi.

Ntatinze rero Madamu Minisitiri, muribuka ko ubushize nabandikiye mbasaba ko mwatekereza ku bashomeri batigeze akazi na rimwe mu buzima bwabo, ariko bagahezwa mu bashobora kuhagabwa ngo nta burambe bafite, kandi ako kazi bakumirwamo ari ko bashobora gukuramo uburambe. Nategereje ko mubikemura ndaheba, icyakoze kuko nari nanabasabye ko mwadushyiriraho ishuri ry’uburambe, ndategereje buriya muracyarimo kubinoza neza.

Gusa Madamu Minisitiri, uyu munsi sinagaruwe no gusubiramo ibyo nababwiye ubushize ahubwo ndagenzwa n’ubusabe bwahuranyije nshaka kubagezaho, bukajyana n’igitekerezo cy’ibyo numva byatuma umusaruro tubona mu kazi ka buri munsi urushaho kwiyongera, abakozi bakagira ubuzima bwiza kandi bikaba byazamura n’ubukungu bw’igihugu muri rusange.

Ubusabe n’igitekerezo cyanjye, bishingiye ku kuba amasaha y’akazi n’imikorere yako byahinduka, hakabamo ibyiciro by’amasaha nka bibiri buri munsi, mbese bimwe mu ndimi z’amahanga bita shifuti (Shift). Niba umukozi asanzwe akora kuva saa mbiri za mu gitondo kugeza saa kumi n’imwe za nimugoroba, ndashaka kubasaba mbinginga ko mwakwiga uburyo bamwe mu bakozi bajya bahabwa amasezerano y’akazi abemerera gukora igice cy’umunsi, umwe agakora nko kuva saa mbiri kugeza saa saba z’amanywa, hanyuma undi akaza guhera saa saba akageza saa kumi n’imwe cyangwa andi masaha uko mwazayagena nk’abantu b’inzobere twemera. Madamu Minisitiri, ibi nasanze byateza imbere igihugu n’abagituye mu buryo nshaka kubasobanurira.

1. Niba umukozi yahembwaga amafaranga y’u Rwanda ibihumbi 300, ashobora guhembwa ibihumbi 150 buri kwezi hanyuma akazi yakoraga, akajya akora igice cy’umunsi undi umusimbuye nawe agahembwa ayo asigaye. Ibyo bizatuma akazi gakorwa neza kuko akenshi usanga umuntu watangiye gukora akazi mu gitondo ageza nyuma ya saa sita yananiwe agatangira gusinzira, ukabona ko haba hakenewe amaraso mashya ngo umusaruro ukomeze kuba mwiza mu kazi.

2. Icya kabiri ibyo mbona bizamara, bizafasha abakozi kwiteza imbere no kurushaho kugira ubuzima bwiza. N’ubwo umukozi azahembwa kimwe cya kabiri cy’ayo yahembwaga, nawe azabona umwanya wo kugira ibindi yikorera, amwe macye ahabwa amufashe kubona icyo yakora mu gihe atari muri ka kazi, kandi murabizi ko abahanga bagaragaza neza ko iyo umuntu ahinduye imirimo yiriwemo akajya mu yindi, ubwabyo ari ukuruhura umubiri n’ubwonko by’umwihariko.

3. Icya gatatu ibi bizamara, bizagabanya umubare w’abashomeri, kuko henshi umwanya umwe w’akazi uzaba wagiyemo abakozi babiri, bikazamura umusaruro nyamara umushahara wo igiteranyo cyawo kizaguma kingana kwakundi. Bishoboka ko aba bakozi bazaba bahawe n’umwanya wo kuruhuka no kwikorera ibindi ku ruhande, bashobora kuzikorera bikabahira bityo aho kuguma muri ka kazi ahubwo bakikorera bagatera imbere bagatangira kugaha abandi benshi maze abashomeri bakarushaho kugabanuka.

4. Icya kane ibi bintu nasanze byazamara, ndashaka ko nacyo mwazagitekerezaho neza, cyo gikubiyemo ibintu byinshi byagirira igihugu akamaro. N’ubwo Madamu Minisitiri mutajya mutega twegerane nkanjye, mwibuke neza ko iyo mugiye ku kazi cyangwa iyo muvayo, usanga mugorwa n’umubyigano w’imodoka nyinshi, bitewe n’uko mu Rwanda tugira ku kazi icyarimwe tukakaviraho rimwe. Ninayo mpamvu twebwe dutega imodoka, kujya ku kazi bitugora bigatuma dushobora no gukerererwa, gutaha nabyo bikaba ikibazo kuko tugera mu rugo mu gicuku twakavuyeho saa kumi n’imwe, tukaza kukazindukiraho tukinaniwe. Nyamara imodoka ziba zabuze abagenzi zitwara mu yandi masaha yo hagati mu gihe turi mu kazi, bivuga ko ibi mbasaba bikozwe n’abatwara abantu bajya babatwara neza muri ibyo byiciro by’amasaha y’akazi atandukanye, bigakorwa kuri gahunda kandi n’abagenzi ntibabure imodoka zibatwara.

Ibi byakoroshya urujya n’uruza rw’abantu mu gihugu, bigateza imbere ubucuruzi muri rusange, bigafasha ababyeyi kujya banabona umwanya wo kwita ku bana babo, bigatuma abakozi bumva ko akazi kabafasha mu buzima bwabo aho kumva ko ari kimwe mu mitwaro iremerera ubuzima bwabo. Mushobora no kuzareba uko muri bimwe mu bihugu bikoresha ubu buryo byifashe, byaba ngombwa hakitabazwa abahanga dufite mu gihugu mukareba niba bitaba igisubizo ku bibazo byinshi.

Madamu Minisitiri, mbashimiye uburyo mugiye kwiga uburyo ibi byakorwa maze kubona umukozi usinzira mu kazi saa munani bikaba amateka, kubona abakerezwa n’umuvundo w’imodoka zitwara abagiriye ku kazi icyarimwe bikazimira burundu, tukibagirwa no kubona abakozi bagera mu rugo mu gicuku kandi baba baza kuzindukira mu kazi maze tukarushaho gutera imbere.


Tanga Igitekerezo
Ibitekerezo 24
c Kuya 16-06-2017

Hahaha! Ubu koko Joriji atatubeshye iki gitekerezo ntiyaba yaragiteruye mu kindi gihugu?

Sengabo Kuya 30-05-2017

ahubwo se habanje hagakemurwa ibibazo byibirarane abakozi bagombwa nabakoresha birenze umwaka mubigo bya Leta

TiD Kuya 9-03-2017

Joliji komerezaho wandikire nabandi bayobozi ubafashe kubungura ibitekerezo kuburyo bakora ibintu biteza imbere igihugu cyacu kandi bishingiye kwiterambere rya benshi mubenegihugu. Ndagusabye uzarebe ukuntu wakwandikira RRA uyisabe yige byimbitse uburyo isoresha ba rwiyemezamirimo bato bagitangira bihabanye cyane nibyo abayobozi bakuru munzeho zitandukanye badukangurira batwigisha kwihangira umurimo. Usanga benshi bahomba kwikubitiro bitewe nimisoro bakwa itari kurugero baba bagezeho.
Dufatanye twubake igihugu cyacu tuzamurana.
Ubukungu bwe kwiharirwa nabagezeyo gusa.

TiD Kuya 9-03-2017

Joliji komerezaho wandikire nabandi bayobozi ubafashe kubungura ibitekerezo kuburyo bakora ibintu biteza imbere igihugu cyacu kandi bishingiye kwiterambere rya benshi mubenegihugu. Ndagusabye uzarebe ukuntu wakwandikira RRA uyisabe yige byimbitse uburyo isoresha ba rwiyemezamirimo bato bagitangira bihabanye cyane nibyo abayobozi bakuru munzeho zitandukanye badukangurira batwigisha kwihangira umurimo. Usanga benshi bahomba kwikubitiro bitewe nimisoro bakwa itari kurugero baba bagezeho.
Dufatanye twubake igihugu cyacu tuzamurana.
Ubukungu bwe kwiharirwa nabagezeyo gusa.

y Kuya 2-03-2017

Ntabwo uri joriji ahubwo uri umusava uzabaze gusa ibibera mu bizamini aho akazi bagaha umuntu utazi nokwandika izina rye nakumiro joriji we nukubyakira imana niyo yonyine izabikora kabisa twebwe twararize turihanagura dutegereje Imana yonyine

JORIJI Kuya 23-02-2017

OYAAAA RWASE IBI NTIBYASHOBOKA

isirikoreye Kuya 20-02-2017

njye banze kundenganura kukizamini nakoze mumujyi kumwanya wa internal auditor bakihera akazi uwa 9 kuko avindimwe na kangwage njye ndisura naruwakabiri. yewe mumpe uburyo nanjye mwandikira

kabindi Kuya 1-02-2017

jori wuw!! gusa mwarimuse wa 40000 yagakora ate ?

kabindi Kuya 1-02-2017

jori wuw!! gusa mwarimuse wa 40000 yagakora ate ?

Seba Kuya 12-12-2016

jORIJI AFITE IBITEKEREZO BIZIMA. aRIKOSE ICYO KUKAJYAMO MPORA MVUGA NGAHO NACYO NIMUKIVUGEHO!! URUGERO: UBUNDI NTIKAZAKOMEZA GUTANGWA NAZA BARINGA NKA LARGA IYO ZIDAFITE ICYO ZIMAZE!! NTIKAZATANGWA KAGENDEYE KU CYENE WABO NA RUSWA NKIBYO MPORA MBARANGIRA MU TURERE AHO BUCYA BAKUBWIRANGO ANDIKA WEGURE DUASHYIREMO UWACU CG BUCYA BABWIRA RUNAKA NGO HITA UFATA UBUDIREGITERI NTA KINDI IKIGENDEWEHO URETSE BYABINDI. MUREBE BYA BIZAMINI DUKORA NGO BIKORESHWA NA LARGA CG IBINDI NKAYO, BIGENDA BITE KUBAREBA KURE? NGAHO JORIJI NIYANARIZE YANDIKE AMABARUWA NABANDI MUMBWIRE

Ngoboka Kuya 9-12-2016

Joriji ni umuhanga ariko azabanze akore ubushakashatsi yumve niba abo ashaka ko baruhuka babyifuza ye kureba ku ruhande rw’abashomeri gusa bashonje,kuko uhembwa 300 000frw afite umwana wiga mu ishuri ryishyura 100 000frw,urumva yabyemera? byasaba ko uwanywa mitng anywa suruduwiri!!!!!!!!

kibwa Kuya 9-12-2016

Uyu mugabo Joriji ibitekerezo bye ni byiza wenda abantu babyigaho. Ariko yatekerereje abanyakigali gusa. uyu mubyigano avuga uba kigali kandi akazi gakorerwa henshi mu gihugu. Ese ahataba umuvundo utuma abantu bataha batinze cyangwa bakererwa kukazi ho bimeze bite? Ikindi iyo umwana afite umugati cgwa ikijumba ukamubwira uti mpa nshuneho, ahita ahisha amaboko mumugongo akakubwira ngo ndiyangiye.Ibyo abana benshi barabikora. Burya rero bifite icyo bisobanuye kuri kamere muntu. Joriji utekereza ko wagabanyiriza umuntu umushahara ntiwibaze ko ari ikintu cyoroshye.

Apolo Kuya 9-12-2016

Mbega Joriji!!!
uri uuhanga kabisa ahubwo bazagushake bakugire uudepite utekereza kure kuko ubona ko naya masaha ya pose yavaho bityo anytime umuntu agiye gusaba service isaha za pose ntizimufate cyangwa ngo asange bagiye muri pose. ndetse bashaka amasaha y’ akazi bakayongera bakajya bagera saa mbiri ariko abashomeri mbona birirwa bafite j’ ai l’ honneur tukareba ko bagabanuka ndetse na ba bandi birirwa bavuga ngo bahange imirimo nabo bakajya kugerageza kuyihanga muri 1/2 bahembwa no muri ayo masaha baba batakoze bityo bagatanga akazi. Komereaho Joriji we ariko sinzi niba igitekerezo cyawe kizagerayo

ka.leo. Kuya 9-12-2016

mwarimu wa primaire ahembwa ibihumbi 45.kandi aravunika pe kuburyo ndetse shift arayikeneye.ariko se nitugabanya kabiri hazasigara iki?

manzi Kuya 9-12-2016

Ubwo byemejwe byareba.buri wese ufata umushahara!!! Ntawusigaye, iki cyakemura byinshi ibindi bigapfa ntumenye uwo byapfiriiyeho!!!!!! Reba.professorat.muri primary ibyo yakoze,,,,,,, umwarimu aragera mu ishuri akiyicarira isaha yashira hakaza undi.......jye simbishyigikiye na gato

Sabushimike Kuya 9-12-2016

Joriji ndabona yitaye ku bashomeri, kuki atabonako ibi bishobora kubyara izindi ngaruka:

1.Kubura ubazwa raport y’akazi, kuko niba hari ibyapfuye kuri post runaka bashobora kwitana ba mwana,

2.Nkanjye ndivugira mu gisata cy’Ubuzima kko nicyo mbamo, aho ushobora gukora amanywa n’ijoro.
Hari service zisabako ukora umunsi wose, kugirango hatagira ibipfa

3.Traffic Jam iziyongera kuko haratega doule y’abari basanzwe batega.
Nasobanure uburyo bizagabanya umuvundo kandi hari abazaba batega bakajyaho abandi bakavaho.

JMV Kuya 8-12-2016

Ikigitekerezo cya Joriji nicyizacyane

cyubahirijwe cyateza igihugu imbere.

JMV Kuya 8-12-2016

Ikigitekerezo cya Joriji nicyizacyane

cyubahirijwe cyateza igihugu imbere.

Joan Kuya 8-12-2016

Hhhhh twizeko joliji ari umuntu utari uzi ubwenge ariko uyu we ni umuntu wumugabo ureba kure azashake irindi zina ritari joriji. Ariko ibintu uvuze ni ukuri gusa.kuko nababandi ujya gusaba servise bicaye miri Bureau ugasanga barimo kwinanura ngo bavuye muri pose ntibakongera kugaragara. Nabashomeri bagabanuka na babandi bumva ko aribo bashoboye hagaragara nabandi baberekako buri wese yakora.Tnx Joriji ujijutse kandi ureba kure.

KODO Kuya 8-12-2016

Ubwo n’uwo Ministre wandikiye azajya akora igice cy’umunsi? dusobanurire!

vava Kuya 8-12-2016

Ahubwo se ko numva uyu mutype ibyo avuga afite ukuri njyewe nishimiye uburyo yatekereje kuri kino kintu gusa ikibazo bivigwe nande se ninde wabigeza mu nteko

kigali Kuya 8-12-2016

Uyu Joliji afite ubwenge burenze ubukenewe

kigali Kuya 8-12-2016

Uyu Joliji afite ubwenge burenze ubukenewe

Emanuel Kuya 8-12-2016

Ibintu joriji avuze nibyo %%tuu

IGURIRE
Reba Ibindi Byinshi
konka Monaco
IBARUWA ZA JORIJI
nkusi
URUKUNDO
Magic Pictures
INKURU ZIKUNZWE
IBIRORI
Ibitekerezo
IZINDI NKURU WASOMA